Луньненскі сельсавет

Лу́ньненскі сельсавет — адміністрацыйна-тэрытарыяльная адзінка ў складзе Мастоўскага раёну Гарадзенскай вобласьці. Адміністрацыйны цэнтар — вёска Лунна.

Луньненскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Лунна
Дата ўтварэньня	12 кастрычніка 1940
Насельніцтва	▲1570 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году ў складзе Скідзельскага раёну Беластоцкай вобласьці БССР. Цэнтар — рабочы пасёлак Лунна. З 20 верасьня 1944 году ў складзе Гарадзенскай вобласьці. 16 сьнежня 1955 году статус Лунна паніжаны да вёскі. З 25 сьнежня 1962 году ў Гарадзенскім раёне.

6 студзеня 1965 году быў адноўлены Мастоўскі раён. Луньненскі сельсавет Гарадзенскага раёну адышоў да Мастоўскага раёну.

У 1977 годзе скасаваны хутары Бярэзінка і Татаршчына^[1].

26 лютага 2013 году ў склад сельсавету перададзеныя ўсе населеныя пункты — Багатырэвічы, Глядавічы, Грушаўка, Дубраўляны, Жылічы, Кухары, Машталеры, Мінявічы, Мяшэтнікі, Паніжаны, Стральцы, Хамічы, Шчарбавічы — ліквідаванага Глядавіцкага сельсавету^[2].

28 жніўня 2013 году вёска Пладовая перададзеная з Луньненскага ў склад Дубненскага сельсавету, а вёска Тоўсьцікі ў склад Гудзевіцкага сельсавету^[3].

Насельніцтва сельсавету паводле перапісу 2009 году (14 населеных пунктаў) — 1318 чалавек^[4], зь іх 68,4 % — беларусы, 23,5 % — палякі, 5,9 % — расейцы^[5].