Лючана Павароцьці

Люча́на Паваро́цьці (12 кастрычніка 1935 — 6 верасьня 2007) — знакаміты італьянскі сьпявак (тэнар), адзін з самых вядомых сьпевакоў сучаснасьці як у опэры, так і ў іншых музычных жанрах.

Лючана Павароцьці
па-італьянску: Luciano Pavarotti
Дата нараджэньня	12 кастрычніка 1935(1935-10-12)[1][2][3][…]
Месца нараджэньня	Мадэна, Італія
Дата сьмерці	6 верасьня 2007(2007-09-06)[4][5][3][…] (71 год)
Месца сьмерці	Модэна, Эмілія-Раманьня, Італія[6]
Прычына сьмерці	рак падстраўнікавай залозы[d]
Месца пахаваньня	cemetery of Montale Rangone[d][7]
Прафэсія	тэнар
Гады дзейнасьці	1935—2007
Сябра ў	Тры тэнары[d]
Жанры	опэра
Вакал	lyric tenor[d]
Інструмэнты	голас[d]
Лэйблы	Decca Records[d]
Бацька	Fernando Pavarotti[d][8]
Узнагароды	прэмія Легенды Грэмі[d] (1998) Асоба году «MusiCares»[d] (1998) Прэмія Нансэна[d] (2001) ганаровы грамадзянін Сараева[d] Classic Brit Awards[d]
Сайт	Афіцыйная старонка
Подпіс
Лючана Павароцьці ў Вікісховішчы

Дзяцінства

Лючана Павароцьці нарадзіўся ў Італіі ў прыгарадзе Мадэны 12 кастрычніка 1935 году ў сям'і Адэлі Вэнтуры, якая працавала на тытунёвай фабрыцы і Фэрнанда Павароцьці, пекара і сьпевака. Нягледзячы на тое, што Лючана добра адгукаўся пра сваё дзяцінства, сям’я жыла бедна. Падчас Другой сусьветнай вайны (у 1943 годзе) сям’я пакінула горад. Калі Лючана было 9 гадоў, ён пачаў сьпяваць у невялікім царкоўным хоры, у якім сьпяваў ягоны бацька.

Кар’ера

Грунтоўна вучыцца сьпяваць Лючана Павароцьці пачаў у 1954 годзе, калі яму было 19 гадоў.

Дэбют Лючана ў опэры адбыўся 29 красавіка 1961 году ў горадзе Рэджа-Эмілія, калі ён сыграў ролю Рудольфа ў опэры «Багема» Джакама Пуччыні. Неўзабаве Лючана ўжо выступаў у гэтай ролі ў опэрным тэатры «Ля Скаля». Супрацоўнічаў з Плясыда Дамінга і Хасэ Карэрасам, выступаў зь імі пад назвай «Тры тэнары».