Мануэль Сарацын

Мануэль Фэрдынанд Тэадор Сарацын (па-нямецку: Manuel Ferdinand Theodor Sarrazin; нар. 6 лютага 1982, Паўночны Райн — Вэстфалія, Заходняя Нямеччына) — нямецкі палітык партыі Саюз 90/Зялёныя, дэпутат Бундэстагу ад зямлі Гамбург 16, 17, 18, 19 скліканьняў^[3].

Мануэль Сарацын
Дата нараджэньня	6 лютага 1982(1982-02-06)[1] (43 гады)
Месца нараджэньня	Дортмунд, Арнсбэрг[d], Паўночны Райн — Вэстфалія, Заходняя Нямеччына
Месца вучобы	Friedrich-Ebert-Gymnasium[d]
Занятак	палітык
Сябра ў	Парламенцкая група Бундэстага па пытаннях Еўрапейскага саюза[d] і Deutsch-Polnische Gesellschaft Bundesverband[d][2]
Сайт	manuelsarrazin.de
Мануэль Сарацын у Вікісховішчы

Раньняе жыцьцё й адукацыя

Сарацын нарадзіўся ў Дортмундзе, а з 1995 году жыве ў Гамбургу. Пасьля заканчэньня мясцовай гімназіі імя Фрыдрыха-Эбэрта ў 2001 годзе й грамадзянскай службы ён пачаў вывучаць гісторыю, польскую мову й права ў Брэмэнскім унівэрсытэце(uk) ў 2002 годзе. У 2005 годзе перавёўся ў Гамбурскі ўнівэрсытэт, дзе ў 2013 годзе скончыў вучобу ў галінах гісторыі, усходнеэўрапейскіх дасьледаваньняў й права.

Палітычная кар’ера

З 2004 па 2008 год Сарацын быў дэпутатам Парлямэнту Гамбургу(uk).

Сарацын зьмяніў Аню Хайдук(de) у Бундэстагу 13 траўня 2008 году^[4]. У ім ён зьяўляецца сябрам Камітэту па эўрапейскіх справах^[5] й Камітэта па замежных справах^[6][7]. З 2008 па 2013 год ён таксама працаваў у падкамітэце па эўрапейскіх пытаньнях Камітэта па бюджэце. У сваёй парлямэнцкай групе адказвае за ўсходнеэўрапейскі палітычны вэктар^[8]. У дадатак да даручэньняў камітэтаў Сарацын з 2018 году займае пасаду намесьніка старшыні Нямецка-польскай парлямэнцкай групы сяброўства.

24 чэрвеня 2015 году ўзяў шэфства над Міколам Дзядком, беларускім актывістам і палітвязьнем^[9][10]. 9 ліпеня 2020 году стаў патронам Ігара Лосіка, беларускага блогера й палітычнага зьняволенага^[11][12].

Іншыя віды дзейнасьці

• Сябра праўленьня форуму «Пецярбурскі дыялёг(de)»^[13]
• Прэзыдэнт Асацыяцыі Паўднёва-Ўсходняй Эўропы^[14]
• Сябра апякунскай рады Інстытута эўрапейскай палітыкі(de) (з 2012)