Матэо Рэтэгі

Матэ́о Рэтэ́гі (па-гішпанску: Mateo Retegui; нар. 29 красавіка 1999 году) — італьянскі футбаліст, нападнік саудаўскага клюбу «Аль-Кадысія» і нацыянальнай зборнай Італіі. Рэтэгі ёсьць сынам колішняга гульца па хакеі на траве Карляса Рэтэгі, які абараняў колеры Аргентыны. Мае мянушку «тыгра»^[3].

Матэо Рэтэгі
Пэрсанальная інфармацыя
Нарадзіўся	29 красавіка 1999(1999-04-29)[1][2] (26 гадоў) Сан-Фэрнанда[d], Буэнас-Айрэс, Аргентына
Рост	1,86 м
Пазыцыя	нападнік
Клюбная інфармацыя
Клюб	Аль-Кадысія[d]
Нумар	32
Клюбы
Гады	Клюб	Гульні (галы)¹
2018—2023	Бока Хуніёрс	1 (0)
2019—2020	→ Эстудыянтэс	21 (4)
2020—2021	→ Тальерэс[d]	24 (4)
2021—2023	→ Тыгрэ[d]	48 (30)
2023—2024	Джэноа	29 (7)
2024—2025	Аталянта	36 (25)
2025—4	Аль-Кадысія[d]	0 (0)
Зборныя
2018	Аргентына (да 20)[d]	5 (0)
2023—4	Італія	20 (6)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 22 ліпеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 9 чэрвеня 2025.

Кар’ера

Сваю прафэсійную кар’еру пачаў у складзе «Бокі Хуніёрс»^[4][5]. Упершыню ён быў запрошаны ў галоўную каманду клюбу трэнэрам Гільермам Барасам Скелётам падчас сэзону 2017—2018 гадоў. Дэбютаваў 17 лістапада 2018 году, калі ў канцы матчу супраць «Патраната» зьявіўся на пляцоўцы. У наступным выпраўляўся ў арэнды ў шэраг клюбаў. У лютым 2022 году на правах арэнды далучыўся да «Тыгрэ»^[6], у складзе якога стаў найлепшым бамбардзірам чэмпіянату Аргентыны 2022 году.

26 ліпеня 2023 году Рэтэгі склаў дамову з італьянскім клюбам «Джэноа» на пяць гадоў^[7]. Клюб, які толькі вярнуўся ў Сэрыю А выдаткаваў на куплю гульца 15 млн эўра. 11 жніўня 2023 году футбаліст паклаў на свой рахунак першы гол у кашулі генуэзцаў, адзначыўшыся голам у кубкавым матчы супраць клюбу «Модэна». 8 жніўня 2024 году Рэтэгі перайшоў у «Аталянту» ў выніку пагадненьня на суму 28 мільёнаў эўра^[8].