Можа

Мо́жа — рака ў Крупскім раёне Менскай вобласьці і Круглянскім раёне Магілёўскай вобласьці, левы прыток ракі Бабру (басэйн Дняпра). Даўжыня 77 км. Плошча вадазбору 530 км². Выдатак вады ў вусьці 3,4 м³/с. Сярэдні нахіл воднай паверхні 0,4‰.

Рака

Можа
Агульныя зьвесткі
Выток	каля в. Шынкі
Вусьце	Бобр
Краіны басэйну	Беларусь
Вобласьці	Магілёўская вобласьць, Менская вобласьць і Беларусь[1]
Даўжыня	77 км
Сярэднегадавы сьцёк	3,4 м³/с
Плошча басэйну	530 км²
Нахіл воднай паверхні	0,4 ‰

Асноўныя прытокі

• Бярозка, Казьлянка, Мясрэда

Агульныя зьвесткі

Пачынаецца за 2 км на поўнач ад вёскі Шынкі Крупскага раёну, частка сярэдняй плыні ў Круглянскім раёне, вусьце за 2 км на паўночны ўсход ад вёскі Прудок Крупскага раёну. Цячэ ў межах Цэнтральнабярэзінскай раўніны, у сярэдняй плыні (часткова) і ў нізоўі — празь лясныя масівы.

Даліна трапэцападобная, шырынёй 600—800 м, у нізкай плыні невыразная. Схілы спадзістыя, радзей стромкія, слаба парэзаныя далінамі прытокаў і каналаў (вышыня 3—10 м). Абалона двухбаковая, часам чаргуецца па берагах, шырынёй 200—400 м; найбольшая (600 м) каля вёскі Новая Слабада. Рэчышча ўмерана зьвілістае, на некаторых дзялянках выпрастанае; шырыня ракі ў межань ў вярхоўі 6—8 м, у сярэдняй плыні 15—30 м, у нізкай 10—20 м. Берагі стромкія, месцамі абрывістыя, вышынёй ад 1—2 м да 5—6 м^[2].