Мігел Лопіш

У́гу Міге́л Алмэ́йда Ко́шта Ло́піш (па-партугальску: Hugo Miguel Almeida Costa Lopes; нар. 19 сьнежня 1986 году, Лісабон, Партугалія) — партугальскі футбаліст, абаронца клюбу «Амора». Былы гулец нацыянальнай зборнай Партугаліі.

Мігел Лопіш
Пэрсанальная інфармацыя
Нарадзіўся	19 сьнежня 1986(1986-12-19)[1][2][3] (38 гадоў) Лісабон, Партугалія
Рост	182 см
Вага	72 кг
Пазыцыя	скрайні абаронца
Клюбная інфармацыя
Клюб	Амора[d]
Нумар	13
Клюбы
Гады	Клюб	Гульні (галы)¹
2005—2006	Бэнфіка Б[d]	24 (4)
2006—2007	Апэрарыю[d]	21 (7)
2007—2009	Рыю Аві	50 (2)
2009—2013	Порту	14 (1)
2010—2011	→ Рэал Бэтыс	21 (0)
2012	→ Брага	10 (0)
2013—2014	→ Алімпік Ліён	19 (0)
2013	Спортынг Лісабон	14 (0)
2014—2015	Спортынг Лісабон	10 (0)
2015—2016	→ Гранада	26 (0)
2016—2017	→ Акхісар Бэледыеспор	31 (3)
2017—2019	Акхісар Бэледыеспор	49 (1)
2019—2021	Кайсэрыспор	40 (1)
2022—2025	Эштрэла	60 (0)
2025—4	Амора[d]	0 (0)
Зборныя
2004	Партугалія (да 19)[d]	2 (0)
2009	Партугалія (да 21)[d]	3 (0)
2010	Партугалія (да 23)[d]	2 (0)
2012	Партугалія	4 (0)

Кар’ера

Клюбная

Лопіш пачынаў сваю прафэсійную кар’еру ў другой камандзе лісабонскай «Бэнфікі». У наступным сэзоне ён перайшоў у клюб ніжэйшай лігі «Апэрарыю».

Пасьля некалькіх нядрэнных матчаў Мігел у сэзоне 2007—2008 гадоў перайшоў у клюб «Рыю Аві». У першым сэзоне ў «Рыю» Лопіш быў гульцом стартавага складу й дапамог камандзе праз два гады вернуцца ў партугальскую Супэрлігу.

Дзякуючы стабільнай гульні «Рыю Аві», у тым ліку супраць «Бэнфікі» й «Порту», Лопішам зацікавіліся гранды партугальскага футбола. У студзені 2009 году Мігел падпісаў чатырохгадовы кантракт з «Порту». У першым сэзоне за сіне-белых яму прыходзілася канкураваць за месца ў стартавым складзе з уругвайцам Хорхэ Фусыле, ён зьяўляўся на поле ня гэтак шмат, але ўсё ж яму ўдалося згуляць у 17 афіцыйных матчах, 13 зь якіх у старце.

У канцы жніўня 2010 году новы трэнэр каманды Андрэ Вілаш-Боаш палічыўшы, што яму не патрэбны Лопіш, адправіў яго ў гадавую арэнду ў гішпанскі «Бэтыс»^[4]. 2 верасьня 2010 году ён прайшоў мэдычны агляд і далучыўся да каманды^[5]. У 2012 годзе на правах арэнды выступае за «Брагу».

Лопіш вярнуўся ў «Порту» ў сэзоне 2012—2013 гадоў, аднак у студзені 2013 году Мігел перайшоў у склад лісабонскага «Спортынгу», а ў процілеглым кірунку, паводле пагадненья, быў накіраваны Марат Ізмайлаў^[6]. 7 ліпеня 2013 году Мігел на правах арэнды перайшоў у табар францускага клюбу «Ліён», які прадстаўляе Лігу 1^[7].

Міжнародная

Лопіш прыцягваўся ў моладзевую зборную Партугаліі. Ён быў уключаны ў заяўку на чэмпіянат Эўропы 2012 году^[8]. 2 чэрвеня 2012 году Мігел дэбютаваў за нацыянальную зборную Партугаліі ў прайграным таварыскім матчы 3:1 супраць зборнай Турэччыны ў Лісабоне^[9].

Дасягненьні

«Порту»:

• Чэмпіён Партугаліі: 2013
• Уладальнік Кубка Партугаліі: 2010
• Уладальнік Супэркубка Партугаліі: 2010, 2011, 2012

«Спортынг»:

• Уладальнік Кубка Партугаліі: 2015

«Акхісар Бэледыеспор»:

• Уладальнік Кубка Турэччыны: 2018