Мікалай Сьвятаполк-Чацьвярцінскі

Мікалай Сьвятаполк-Чацьвярцінскі (па-польску: Mikołaj Światopołk-Czetwertyński, ? — †) — князь, дзяржаўны дзяяч Вялікага Княства Літоўскага. Пасол на соймы 1632, 1639, 1648. дэпутат Кароннага трыбунала ў 1649, каралеўскі ротмістр, з 5 лютага 1649 году «па Гедэоне Раецкам» кашталян менскі.

Мікалай Сьвятаполк-Чацьвярцінскі

Герб уласны «Пагоня руская»
Асабістыя зьвесткі
Памёр	не раней за 9 верасьня 1659 і не пазьней за сьнежань 1659[1]
Род	Сьвятаполк-Чацьвярцінскія
Бацькі	Стэфан Сьвятаполк-Чацьвярцінскі Ганна Бокій
Жонка	Даміцэля Саламерэцкая
Дзеці	Стэфан Аляксандар Гіляры Мікалай Адам

З роду князей Сьвятаполк-Чацьвярцінскіх герба ўласнага «Пагоня руская зьменая», сын брацлаўскага падкаморыя Стэфана і Ганны Бокій.

У 1634 пазычыў пэўную суму свайму стрыю Фёдару, а ў 1645 судзіўся аб зьбеглых у Косьніцу падданых са Станіслаўскім. У 1664 удзельнічаў у падзеле маёнткаў з братам Стэфанам.

Быў актыўным абаронцам праваслаўя. Адхіліў прапанову Багдана Хмяльніцкага далучыцца да казацкага паўстаньня, як каралеўскі ротмістар прыняў удзел у бітвах з казакамі пад Зборавам (1649) і Берастэчкам (1651).

Ажаніўся на дачцы князя Льва Саламярэцкага Даміцэле, ад якой атрымаў маёнткі Сэхаў, Курчыца і Варонье, і меў трох сыноў: каралеўскага ротмістра Стэфана, Мікалая Адама й Аляксандра Гіляры.