Настасься Зязюлькіна

Настасься Зязюлькіна (нарадзілася 6 кастрычніка 1995 году, Менск, Беларусь) — беларуская шахматыстка, гросмайстарка (2012), мужчынскі міжнародны майстар (2014).

Настасься Зязюлькіна
Краіна	Беларусь
Нарадзілася	6 кастрычніка 1995(1995-10-06) (29 гадоў) Менск, Беларусь
Званьне	гросмайстарка (2012) міжнародны майстар (2014)
Рэйтынг ФІДЭ	2407 (01.07.2014)
Месца	1 (жаночая)
Настасься Зязюлькіна ў Вікісховішчы

Кар’ера

Шмат разоў абараняла колеры Беларусі на юніёрскіх чэмпіянатах сьвету і Эўропы ў розных узроставых катэгорыяў, заваяваўшы шэсьць мэдалёў:

• тры залатыя (Порта Карас 2010 і Кальдас Новас 2011 — ЧС да 16 гадоў, Будва 2013 — ЧЭ да 18 гадоў);
• два срэбныя (Атэны 2012 — ЧС да 20 гадоў, Эль-Айн 2013 — ЧС да 18 гадоў);
• бронзавы (Юргюп 2004 — ЧЭ да 10 гадоў).

У 2010 року здабыла першы ў кар’еры тытул чэмпіёнкі Беларусі^[1], пасьля ў гэтым жа року заваявала залаты мэдаль юніёрскага чэмпіянату краіны да 20 гадоў. Брала ўдзел у юніёрскай алімпіядзе (да 16 гадоў) у Бурдуры, дзе выступала за мужчынскую каманду і здабыла бронзавы мэдаль у індывідуальным разрадзе^[2]. У 2012 другі раз стала залатой прызэркай індывідуальнага чэмпіянату Беларусі сярод жанчынаў^[3], а таксама заняла 2-е месца (пасьля Ніно Батыяшвілі) у дзявочым турніры фэстывалю Moscow Open у Маскве^[4].

Неаднаразовая прадстаўніца Беларусі на шахматных алімпіядах (2010, 2012)^[5] і камандных чэмпіянатах Эўропы (2013)^[6].

Найвышэйшага рэйтынгу дасягнула 1 сакавіка 2014 року, з вынікам 2407 пунктаў займаючы 62 месца ў сьпісе FIDE і 1 месца сярод беларускіх шахматыстак^[7][8].