Нэка Ўільямз

Нэ́ка Ўі́льямз (па-ангельску: Neco Williams; нар. 13 красавіка 2001 году) — ўэйлскі футбаліст, левы абаронца ангельскага клюбу «Нотынггэм Форэст» і нацыянальнай зборнай Ўэйлзу, за якую дэбютаваў 3 верасьня 2020 году ў матчы супраць зборнай Фінляндыі.

Ня варта блытаць зь Ніка Ўільямзам.

Нэка Ўільямз
Пэрсанальная інфармацыя
Нарадзіўся	13 красавіка 2001(2001-04-13)[1] (24 гады) Рэксэм[d], Валія, Вялікабрытанія
Рост	183 см
Пазыцыя	абаронца
Клюбная інфармацыя
Клюб	Нотынггэм Форэст
Нумар	3
Клюбы
Гады	Клюб	Гульні (галы)¹
2019—2022	Лівэрпул	13 (0)
2022	→ Фулгэм	14 (2)
2022—4	Нотынггэм Форэст	90 (2)
Зборныя
2018—2020	Ўэйлз (да 19)[d]	8 (4)
2020—4	Ўэйлз	47 (4)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 6 чэрвеня 2025.

Кар’ера

Ўільямз далучыўся да акадэміі «Лівэрпула» яшчэ ў шасьцігадовым веку, і прайшоў з клюбам розныя юнацкія і моладзевая каманды. У тым ліку гулец браў удзел у розыгрышах Юнацкай лігі УЭФА^[2][3]. Абаронца атрымаў сур’ёзнае пашкоджаньне сьпіны, праз што прапусьціў амаль увесь сэзон 2017—2018 гадоў. Па акрыяньні і вяртаньні былой формы, валіец дамогся прасоўваньня ў галоўную каманду клюбу. Дэбют абаронцы за клюб прыпаў на фантастычны матч Кубка футбольнай лігі 30 кастрычніка 2019 году супраць «Арсэналу», які скончыўся зь лікам 5:5 у асноўны час^[2]. Прыкметна, што Ўільямз асыставаў Дывоку Арыгі на апошніх хвілінах матчу, такім чынам, спрычыніўся да выратаваньня клюбу. У сэрыі пасьляматчавых пэнальці перамогу атрымалі лівэрпулцы. У наступным футбаліст працягваў выступаць за рэзэрвовую каманду.

Ягоны дэбют у матчы Прэм’ер-Лігі адбыўся 24 чэрвеня 2020 году, неўзабаве пасьля таго, як спаборніцтвы аднавілася па трохмесячным спыненьні, выкліканым пошасьцю каранавіруса. Ўіяльмз выйшаў на поле на 74-й хвіліне матчу супраць «Крыстал Пэлас» (4:0)^[4]. Сэзон скончыўся для гульца тытулам чэмпіёна Ангельшчыны, бо да сканчэньня розыгрышу ён пасьпеў згуляць дастатовую колькасьць матчаў дзеля гэтага^[5]. 17 жніўня валіец падпісаў новую доўгатэрміновую ўгоду з «чырвонымі»^[6]. 31 студзеня 2022 году з мэтай павелічэньня гульнявога часу футбаліст на канца сэзону 2021—2022 гадоў сышоў у «Фулгэм»^[7]. 8 сакавіка гулец упершыню ў кар’еры адзначыўся голам, двойчы ўлучыўшы мяч у браму «Сўонсі Сіці». Па вяртаньні ў «Лівэрпул» далучыўся да «Нотынггэм Форэст», які выдаткаваў на набыцьцё абаронцы 17 млн фунтаў^[8].

Дасягненьні

«Лівэрпул»:

• Чэмпіён Ангельшчыны: 2020
• Пераможца клюбнага чэмпіянату сьвету: 2019