Няслуха

Няслу́ха — рака ў Дарагічынскім і Янаўскім раёнах Берасьцейскай вобласьці, левы прыток ракі Піны. Даўжыня 32 км^[1].

Рака

Няслуха
Агульныя зьвесткі
Выток	каля в. Заплесьсе
Вусьце	в. Патапавічы
Каардынаты вусьця	52°3′26″ пн. ш. 25°39′5″ у. д.
Краіны басэйну	Беларусь
Вобласьці	Берасьцейская вобласьць
Даўжыня	32 км
Плошча басэйну	422 км²
Нахіл воднай паверхні	0,51 ‰
Асноўныя прытокі
Левыя	Самароўка, Струга

Плошча вадазбору 422 км²^[2]. Сярэднегадавы расход у вусьці каля 1,5 м³/с. Сярэдні нахіл воднай паверхні 0,51 ‰.
Пачынаецца каля вёскі Заплесьсе Дарагічынскага раёну, у верхнім цячэньні называецца Стры́мня. Цячэ ў межах раўніны Загародзьдзе і нізіны Прыпяцкае Палесьсе.

Вусьце насупраць вёскі Патапавічы Янаўскага раёну. Асноўныя прытокі — рака Самароўка і рака Струга (леваруч). Даліна пераважна невыразная, у ніжнім цячэньні трапэцападобная (шырыня да 2 км). Пойма двухбаковая, шырыня 50—100 м (правабярэжная) і 10—50 м (левабярэжная). Рэчышча каналізаванае, яго шырыня ў вярхоўі 4—10 м, у нізоўі 16—20 м.