Ніка Эльвэдзі

Ніка Эльвэдзі (па-нямецку: Nico Elvedi; нар. 30 верасьня 1996 году) — швайцарскі футбаліст, цэнтральны абаронца нямецкага клюбу «Барусія» зь Мёнхэнглядбаху і нацыянальнай зборнай Швайцарыі. Мае брата-блізьнюка Яна, які таксама зьяўляецца футбалістам.

Ніка Эльвэдзі
Пэрсанальная інфармацыя
Нарадзіўся	30 верасьня 1996(1996-09-30)[1] (28 гадоў) Цюрых, Швайцарыя
Рост	188 см
Вага	74 кг
Пазыцыя	цэнтральны абаронца, абаронца
Клюбная інфармацыя
Клюб	Барусія Мёнхэнглядбах
Нумар	30
Клюбы
Гады	Клюб	Гульні (галы)¹
2013—2015	Цюрых II[d]	24 (0)
2014—2015	Цюрых	18 (1)
2015—4	Барусія Мёнхэнглядбах	285 (15)
Зборныя
2012—2013	Швайцарыя (да 17)[d]	11 (0)
2013—2015	Швайцарыя (да 19)[d]	19 (2)
2014	Швайцарыя (да 18)[d]	1 (0)
2016—4	Швайцарыя	57 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Клюбная

Нарадзіўшыся ў Цюрыху, Эльвэдзі гадаваўся ў акадэміі мясцовага клюбу «Цюрых». Абаронца дэбютаваў у швайцарскай Супэрлізе 15 траўня 2014 году ў гасьцявым пераможным матчы супраць клюбу «Лязана», які скончыўся зь лікам 1:0, а сам гулец правёў поўны матч^[2]. Не зважаючы на ня вельмі сталыя выступы на радзіме, Эльвэдзі далучыўся да «Барусіі» зь Мёнхэнглядбаху ў 2015 годзе за кошт трансфэру, памер выплаты за які склаў 4 мільёны эўра. У сваім першым сэзоне ў Нямеччыне Эльвэдзі правёў 21 матч у нацыянальным чэмпіянаце. У далейшым гульнявы ​​час швайцарца паступова павялічваўся, то бок у сэзоне 2017—2018 гадоў ён ужо правёў 36 матчаў ва ўсіх турнірах, зь іх 33 у чэмпіянаце. Менавіта ў сэзоне 2017—2018 гадоў Эльвэдзі ўпершныю адзначыўся галявым стрэлам за нямецкі клюб у Бундэсьлізе. Гэта здарылася падчас матчу супраць «Кёльну», а гэты гол стаў адзіным у сустрэчы.

Міжнародная

Эльвэдзі выступаў за розныя швайцарскія юнацкія і моладзевыя дружыны і дэбютаваў у складзе нацыянальнай зборнай Швайцарыі 28 траўня 2016 году ў матчу супраць зборнай Бэльгіі, дзе альпійцы трывалі паразу зь лікам 1:2^[3].