Ніна Сасноўская

Нíна Аляксáндраўна Сасноўская (1892, в. Дабраволя Ваўкавыскага павету Гарадзенскай губэрні, цяпер у Сьвіслацкім раёне Гарадзенскай вобласьці — 1979, Вільня) — заходнебеларуская мастачка-графік, пэдагогіца.

Вікіпэдыя мае артыкулы пра іншых асобаў з прозьвішчам Сасноўская (неадназначнасьць).

Ніна Сасноўская
Дата нараджэньня	1892
Месца нараджэньня	Дабраволя, Ваўкавыскі павет, Гарадзенская губэрня, Літоўскае генэрал-губэрнатарства, Расейская імпэрыя
Дата сьмерці	1979
Месца сьмерці	Вільня, Летувіская Савецкая Сацыялістычная Рэспубліка, СССР
Месца вучобы	Віленская рысавальная школа Трутнева[d] Віленскі ўнівэрсытэт (1921)
Занятак	графік, пэдагог
Месца працы	Віленская беларуская гімназія

Жыцьцяпіс

Дачка пратаерэя Сасноўскага^[1].

У 1910—1911 гадах вучылася ў Віленскай рысавальнай школе. Два гады (1919—1921) як вольная слухачка займалася на мастацкім факультэце Віленскага ўнівэрсытэту. У пачатку 1920-х працавала настаўніцай маляваньня й каліграфіі ў Віленскай беларускай гімназіі^[1].

Партрэт Янкі Купалы

У 1923 годзе выканала алоўкавы партрэт Янкі Купалы, які быў літаграфаваны на камень мастаком Язэпам Горыдам. Надрукаваны ў віленскай друкарні Ласкова, партрэт Купалы атрымаў шырокі распаўсюд сярод беларускага насельніцтва ў Заходняй Беларусі ў перадваенны пэрыяд (1930—1939).