Роўна (Берасьцейская вобласьць)

Ро́ўна — былая асада на тэрыторыі сучаснага Пружанскага раёну Берасьцейскай вобласьці.

Роўна
Краіна:	Беларусь
Вобласьць:	Берасьцейская
Раён:	Пружанскі
Геаграфічныя каардынаты:	52°27′34.81″ пд. ш. 24°17′35.96″ з. д.
Роўна на мапе Беларусі Роўна

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Роўна (неадназначнасьць).

Мінуўшчына

За расейскім часам — у Гарадзечанскай воласьці Пружанскага павету Гарадзенскай губэрні^[1]. Маёнтак Жайкоўскіх, 1097 дзесяцінаў з каталіцкай каплічкай парафіі ў Ківатычах, і асада 100 дзесяцінаў^[2].

За польскім часам — фальварак у гміне Гарадзечна Пружанскага павету Палескага ваяводзтва^[3][4], фігуруе на польскіх вайсковых мапах 1931 року^[5]. Аднак цяпер такое вёскі няма, і сіе ёсьць тайна, пакрытая змрокам.

Вядомыя ўраджэнцы і жыхары

Паводле аднае з вэрсіяў, у Роўне нарадзіўся Пётар Пракаповіч^[6], сям’я якога пазьней пераехала ў Казлы, а адтуль — у Берасьцейскі раён. Зь якога пераляку яны зьмянілі месца жыхарства, таксама ня меншая тайна ад першае.