Софія Кавалеўская

Со́фія Кавале́ўская (таксама Зоф’я Кавалеўская, па-польску: Zofia Kowalewska; 1853, вёска Малыя Бакшты Маладэчанскага раёну — 22 лютага 1918, Менск^[2]) — беларуская і польская фальклярыстка, этнографка, пісьменьніца.

Софія Кавалеўская
Zofia Kowalewska
Асабістыя зьвесткі
Імя пры нараджэньні	Зоф'я Лентоўская
Нарадзілася	1853 Малыя Бакшты, Радашкавіцкі сельсавет, Маладэчанскі раён, СССР
Памерла	22 лютага 1918(1918-02-22) Менск
Літаратурная дзейнасьць
Род дзейнасьці	фальклярыстка, пісьменьніца, пэдагог, публіцыстка
Гады творчасьці	1912-1918
Мова	польская мова[1]
Значныя творы	Obrazki Mińskie 1850-1863 (1912), Ze wspomnień wygnańca z roku 1863 (1912), Dzieje powstania lidzkiego: wspomnienie o Ludwiku Narbucie (1934)
Софія Кавалеўская ў Вікісховішчы

Вікіпэдыя мае артыкулы пра іншых асобаў з прозьвішчам Кавалеўская.

Зоф'я Кавалеўская, 1918, Tygodnik Ilustrowany

Жыцьцяпіс

Зоф’я Кавалеўская (у дзявоцтве Лентоўская) нарадзілася ў памешчыцкай сям’і ў 1853 годзе ў Малых Бакштах Менскай губэрні. Яна была жонкай Яўгена Завадзкага зь Віленскага павету. У сваім маёнтку, дзе правяла большую частку жыцьця, вяла асьветніцкую дзейнасьць і таемнае выкладаньне польскай мовы і польскай гісторыі^[3].

У часопісе «Tygodnik Ilustrowany» No 6 за 1918 г. было напісана: «Яна памірала, распытваючы пра ход бітваў (польскіх) легіянэраў»^[4].

Памерла 22 лютага 1918 г. у Менску.

Творчасьць

Сабрала калекцыю прадметаў народных рамёстваў, твораў мастацтва, а таксама матэрыялы пра паўстаньне 1863—1864 рр. на Меншчыне і прысьвяціла яму некалькі артыкулаў і кнігу «3 успамінаў выгнанца 1863 году», якая выйшла ў сьвет у 1911. Аўтарка працы «Вясельная ўрачыстасьць у Вялейскім павеце ў ваколіцах Маладэчна і Радашковічаў». У 1912 выдала кнігу ўспамінаў выкладніка Менскай гімназіі Ф. Шаблоўскага «Менскія абразкі 1850—1863 гг.» пра гісторыю гімназіі і яе выкладнікаў, тэатар, сям’ю В. Дунін-Марцінкевіча, памятныя мясьціны места.^[5]

Пісала артыкулы і апавяданьні ў газэце «Kurier Litewski» і часопісе «Wisła»^[6].

Творы

• Obrazki Mińskie 1850-1863, nakładem księgarnia Józefa Zawadzkiego w Wilnie ,1912.
• Ze wspomnień wygnańca z roku 1863, nakładem księgarnia Józefa Zawadzkiego w Wilnie, 1912.
• Z pamiętników doktora:powieść współczesna, nakładem księgarnia Józefa Zawadzkiego w Wilnie 1913.
• Dzieje powstania lidzkiego: wspomnienie o Ludwiku Narbucie, nakładem Wyd. "Dziennika Wileńskiego" w Wilnie, 1934.