Стэфан IV (папа рымскі)

Стэфан IV (па-лацінску: Stephanus PP. IV; каля 770 — 24 студзеня 817 году) — папа рымскі з 22 чэрвеня 816 году па 24 студзеня 817 году. Паколькі Стэфан быў абраны бяз згоды імпэратара, ён паслаў імпэратару паведамленьне пра сваё абраньне, загадаўшы рымлянам прысягнуць на вернасьць імпэратару. У пачатку кастрычніка папа і імпэратар сустрэліся ў Рэймсе, і Людовік I Пабожны ўрачыста пакланіўся пантыфіку тры разы. На нядзельнай імшы 5 кастрычніка 816 году папа ўрачыста каранаваў ў Рэймскай царкве Людовіка і ягоную жонку залатой каронай. Людовік I адарыў папу каштоўнымі падарункамі, у тым ліку вучасткам зямлі, якая была перадана ва ўласнасьць рымскай царкве.

Стэфан IV (папа рымскі)

Асабістыя зьвесткі
Нарадзіўся	каля 770 Рым, Папская дзяржава
Памёр	24 студзеня 817[1] Рым, Папская дзяржава
Пахаваны	базыліка сьвятога Пятра
Дэнамінацыя	Каталіцкая царква[2]
Заняткі	каталіцкі сьвятар
Стэфан IV у Вікісховішчы