Сьвятое Возера

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сьвятое, Возера (неадназначнасьць).

Сьвятое Возера лац. Śviatoje Voziera
лет. Šventežeris
Касьцёл
Краіна:	Летува
Павет:	Аліцкі
Вышыня:	174 м н. у. м.
Насельніцтва:	295 чал. (2011)
Часавы пас:	UTC+2
летні час:	UTC+3
Геаграфічныя каардынаты:	54°14′20″ пн. ш. 23°38′30″ у. д.
Сьвятое Возера на мапе Летувы Сьвятое Возера
Галерэя здымкаў у Вікісховішчы

Сьвятое Возера (лет. Šventežeris) — мястэчка ў Летуве, на беразе Сьвятога Возера. Цэнтар староства Лазьдзейскага раёну Аліцкага павету. Насельніцтва на 2011 год — 295 чалавек. Знаходзяцца за 8 км на ўсход ад Лазьдзеі.

Сьвятое Возера — мястэчка гістарычнай Троччыны.

Гісторыя

Вялікае Княства Літоўскае

Упершыню Сьвятое Возера ўпамінаецца ў XVI ст. У гэты час яно ўваходзіла ў склад Троцкага павету Троцкага ваяводзтва.

У 1598 годзе ў Сьвятым Возеры збудавалі эвангелісцка-рэфарматарскі збор (з 1663 году — касьцёл).

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Сьвятое Возера апынулася ў складзе Прусіі, у 1807 годзе згодна з Тыльзіцкай мірнай дамовай — у складзе Расейскай імпэрыі, у Сейненскім павеце Сувальскае губэрні. На 1827 год у мястэчку было 37 будынкаў.

За часамі Першай сусьветнай вайны ў 1915 годзе Сьвятое Возера занялі войскі Нямецкай імпэрыі

Найноўшы час

Па польска-летувіскіх баях і падпісаньні пагадненьня паміж міжваеннай Польскай Рэспублікай і Летувой у 1919 годзе Сьвятое Возера апынулася ў складзе Летувы. За часамі Другой сусьветнай вайны з чэрвеня 1941 да 1944 году мястэчка знаходзілася пад акупацыяй Трэцяга Райху.

Насельніцтва

Дэмаграфія

• XIX стагодзьдзе: 1827 год — 271 чал.^[1]
• XXI стагодзьдзе: 2011 год — 295 чал.

Турыстычная інфармацыя

Славутасьці

• Касьцёл Нараджэньня Найсьвяцейшай Панны Марыі (1882)