Тарызмунд

Тарызмунд (гоцк. Þaurismoþs, забіту ў 453) — кароль вэстготаў у 451—453 гадох.

Тарызмунд
кароль вэстготаў[d]
Асабістыя зьвесткі
Нарадзіўся	420 або 419, Каралеўства вэстготаў[d]
Памёр	453[1], Тулюза
Дынастыя	Балты (дынастыя)
Бацька	Тэадорых I[d][1]

Імя

Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, ад імя Тарызмунд утварылася назва двара Турмонт^[2] (Браслаўскі павет).

Біяграфія

Старэйшы сын вэстгоцкага караля Тэадорыха I. Меў братоў Тэадорыха II і Фрыдэрыха.

Падобна бацьку, перасьледваў палітыку заваёў: аднавіў спробу Тэадорыха заваяваць Арль, але беспасьпяхова. Сярод готаў склалася супраць яго змова, цэнтрам якой сталі яго браты, якія абапіраліся на рымскую партыю. У 453 годзе змоўнікі ўчынілі яго забойства^[3].