Трайніковая нэўралгія

Трайніковая нэўралгія (НТН; па-старажытнагрэцку: νεῦρον + ἄλγος — жыла + боль) — паражэньне трайніковай нэрвы на твары.

Чыньнікі

Хваробе спрыяе пераахаладжэньне, стрэс, сьцісканьне нэрвы сасудамі, звужэньне сасудаў (гаймарыт), удар галавы, плямбаваньне і выдаленьне зуба, анэстэзія, запаленьне ў насаглотцы і пірсінг брыва.

Праявы

Хвароба выяўляецца праз прыступы болю працягласьцю да 2 хвілінаў пры дакрананьні да нутранага краю вока, кончыка носа, падбародка і верхняй губы, як і празь перакос твару. Немач таксама суправаджаецца болевай грымасай, зьяўленьнем міжвольных жавальных рухаў і прыцмокваньня языком. Адзначаецца парушэньне адчувальнасьці твару^[1].