Троцкая кенэса

Троцкая кенэса — помнік архітэктуры XVIII стагодзьдзя ў Троках. Знаходзіцца ў паўночнай частцы места, у цэнтры Караімшчыны (Караімская Слабады) пад адрасам вуліца Караімская, 30. Дзейнічае. Твор архітэктуры барока. Аб’ект Рэгістру культурных каштоўнасьцяў Летувы.

Помнік сакральнай архітэктуры
Троцкая кенэса
Троцкая кенэса
Краіна	Летува
Места	Трокі
Каардынаты	54°38′52″ пн. ш. 24°55′58″ у. д.
Канфэсія	караімізм[d]
Дата заснаваньня	1894
Троцкая кенэса на мапе Летувы Троцкая кенэса
Троцкая кенэса на Вікісховішчы

Гісторыя

Вялікае Княства Літоўскае

Першую драўляную кенэсу ў Троках збудавалі ў XV ст. За часамі вайны Маскоўскай дзяржавы з Рэччу Паспалітай (1654—1667) у 1665 годзе кенэса згарэла ў пажары, па чым яе адбудавалі наноў.

У XVIII ст. на месцы драўлянай кенэсы збудавалі новую мураваную. Будынак кенэсы пацярпеў ад пажараў 1794 і 1812 гадох, але неўзабаве яго аднавілі.

Пад уладай Расейскай імпэрыі

У 1894—1904 гадох быў праводзіўся капітальны рамонт кенэсы^[1].

Найноўшы час

Па Другой сусьветнай вайне пэўны час заставалася адзінай дзейнай караімскай кенэсай ня толькі ў Эўропе, але і ў СССР (па закрыцьці кенэсы ў Галічы ў сярэдзіне 1960-х гадоў).

Архітэктура

Помнік архітэктуры барока. Гэта квадратны ў пляне аб’ём пад ламаным дахам, які завяршаецца прастакутнай вежай. Усярэдзіне падзяляецца на тры часткі: асноўная заля для мужчынаў, невялікі пярэдні пакой і галерэя для жанчынаў, якая абапіраецца на чатыры слупы. На ўсходнім боку разьмяшчаецца караімскі гехал.

Галерэя

Гістарычныя здымкі і графіка

• Старыя здымкі і графіка
• 
  С. Вараб’ёў, 1855 г.
• 
  С. Маслоўскі, 1904 г.
• 
  1925—1930 гг.
• 
  1939 г.

Сучасныя здымкі

• Сучасны стан
• 
  Агульны выгляд
• 
  Фрагмэнт
• 
  З боку вуліцы
• 
  Гехал