Тумскае возера

Тумскае возера — возера ў Астравецкім раёне Гарадзенскай вобласьці. Знаходзіцца за 34 км на паўночны ўсход ад гарадзкога пасёлка Астравец, каля вёскі Тумкі. Належыць да групы Сарачанскіх азёр.

Возера Тумскае возера Краіна Беларусь Плошча 0,86 км² Плошча вадазбору 172 км² Максымальная глыбіня 9,2 м Найбольшая даўжыня 3,22 км Найбольшая шырыня 0,45 км Даўжыня берагавой лініі 7,6 км Вышыня над узроўнем мора 127 м[1] Аб’ём вады 4,16 млн м³ Каардынаты 54°52′27.78″ пн. ш. 26°14′12.21″ у. д. Тумскае возера на мапе Беларусі Тумскае возера

Галерэя здымкаў у Вікісховішчы

Тумскае возера знаходзіцца ў басэйне ракі Сарачанка, якая выцякае з возера. Плошча возера складае 0,86 км². Найбольшая глыбіня возера — 9,2 м. Даўжыня возера — 3,22 км, найбольшая шырыня — 0,45 км. Даўжыня берагавой лініі — 7,6 км. Аб’ём вады ў возеры складае 4,16 млн м³, плошча вадазбору возера — 172 км².

Тумскае возера

Схілы катлавіны возера маюць вышыню 3—7 м, разараныя. На паўднёвым усходзе і паўночным захадзе схілы маюць вышыню 10—18 м. Берагі возера нізкія. На ўсходзе, поўначы і захадзе берагі ўчасткамі зьліваюцца з схіламі, на поўдні і паўночным усходзе знаходзяцца пад хмызьняком.

Мелкаводная зона вадаёма да 2 м пяшчаная, на большых глыбінях дно высланае сапрапэлем.

Тумскае возера зарастае ўздоўж берагоў да глыбіні 2,2—2,7 м.

Вадаём злучаны пратокай з возерам Каймін, таксама ў Тумскае ўпадае ручай з возера Галодна.