Тур’я (левы прыток Нёмана)

Ту́р’я — рака ў Капыльскім і Ўзьдзенскім раёнах Менскай вобласьці, левы прыток Нёману. Даўжыня 35 км. Плошча вадазбору 208 км². Выдатак вады ў вусьці 1,1 м³/с. Сярэдні нахіл воднай паверхні 0,9‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Тур’я.

Рака

Тур’я
Агульныя зьвесткі
Выток	каля в. Рымашы
Вусьце	Нёман
Краіны басэйну	Беларусь
Вобласьці	Капыльскі раён і Узьдзенскі раён
Даўжыня	35 км
Сярэднегадавы сьцёк	1,1 м³/с
Плошча басэйну	208 км²
Нахіл воднай паверхні	0,9 ‰

Агульныя зьвесткі

Пачынаецца за 2 км на паўднёвы захад ад вёскі Рымашы Капыльскага раёну, працякае паўночнай ускраінай Капыльскай грады, упадае ў Нёман на ўсходзе ад вёскі Касьцяшы Ўзьдзенскага раёну.

Даліна трапэцападобная, месцамі невыразная, шырынёй 0,5—1,5 км. Абалона роўная, асушаная. Рэчышча каналізаванае, яго шырыня пераважна 10 м. Прымае сьцёк з мэліярацыйных каналаў^[1].