Хосьні Мубарак

Хосьні Мубарак (4 траўня 1928, Кафра эль-Мусайлаха — 25 лютага 2020) — эгіпецкі вайсковы, палітычны і дзяржаўны дзяяч, чацьвёрты прэзыдэнт Эгіпту ў 1981—2011.

Хосьні Мубарак
па-арабску: حُسني مُبارك‎
4-ы Прэзыдэнт Эгіпту
14 кастрычніка 1981 — 11 лютага 2011
Папярэднік	Анвар Садат
Наступнік	Махамад Хусэйн Тантаві (в. а.)
49-ы прэм’ер-міністар Эгіпту
7 кастрычніка 1981 — 2 студзеня 1982
Папярэднік	Анвар Садат
Асабістыя зьвесткі
Нарадзіўся	4 траўня 1928 Кафра эль-Мусайлаха, Эгіпет
Памёр	25 лютага 2020 Каір, Эгіпет[1]
Партыя	Нацыянал-дэмакратычная партыя Эгіпту
Адукацыя	Егіпецкая ваенная акадэмія[d] (1949) Вайсковая акадэмія Генэральнага штаба Ўзброеных сілаў Расейскай фэдэрацыі[d] Supreme Military Institute of the Armed Forces of the Kyrgyz Republic[d] Вайсковая акадэмія імя Фрунзэ[d]
Сужэнец	Сюзана Мубарак
Дзеці	сыны: Алаа і Гамаль
Бацька	ас-Саід Ібрахім Мубарак
Узнагароды	Ордэн Заслугі перад Рэспублікай Польшча I ступені Ордэн Алтын Қыран
Подпіс

Нарадзіўся ў малой вёсцы ў дэльце Нілу. У 1949—1974 служыў у войску. Даслужыўся да камандуючага вайскова-паветранымі сіламі і намесьніка міністра абароны краіны. У 1959—1960 і 1964—1965 навучаўся ў СССР, у Вайсковай акадэміі імя Фрунзэ ў Маскве.

У 1975 тагачасны прэзыдэнт Эгіпту Анвар Садат прызначыў Мубарака віцэ-прэзыдэнтам краіны. Пасьля забойства ісламістамі Садата падчас вайсковага параду 6 кастрычніка 1981 Мубарак пераняў пасаду прэзыдэнта і ўвёў у краіне надзвычайнае становішча.

Пераабіраўся большасьцю галасоў на рэфэрэндумах у 1987, 1993 і 1999 гадах. Галасаваньне праходзіла без альтэрнатыўных кандыдатаў. Неабходнасьць рэфэрэндумаў абгрунтоўвалася захаваньнем надзвычайнага становішча ў краіне, выкліканага абвастрэньнем ісламскай праблемы.

26 верасьня 1999 у Эгіпце адбыўся чарговы рэфэрэндум аб падаўжэньні на шэсьць гадоў прэзыдэнцкіх паўнамоцтваў Мубарака, па выніках якога ён захаваў пасаду прэзыдэнта, атрымаўшы падтрымку ў 93,79% галасоў.

У 2005 годзе былі прынятыя папраўкі да Канстытуцыі, дзякуючы якім партыі атрымалі права вылучаць сваіх кандыдатаў на пасаду прэзыдэнта. Першыя выбары па новай сыстэме прайшлі 7 верасьня 2005 году. Мубарак атрымаў перамогу. Законнасьць гэтых выбараў ставіцца пад сумнеў, паколькі было зафіксавана мноства парушэньняў^[2].

29 студзеня 2011, празь пяць дзён пасьля пачатку вулічных пратэстаў супраць свайго кіраўніцтва, Мубарак прызначыў віцэ-прэзыдэнтам Амара Сулеймана, які да таго часу быў шэфам эгіпецкай спэцслужбы.

10 лютага 2011 году, нягледзячы на чаканьні, Мубарак адмовіўся сыходзіць з пасады прэзыдэнта, абвясьціўшы, што ня будзе балатавацца на наступных выбарах^[3].

11 лютага 2011 году пад ціскам шматтысячных пратэстоўцаў адмовіўся ад сваёй пасады^[4].

15 красавіка 2015 году зьявілася інфармацыя пра сьмерць Мубарака^[5], дастаўленага ў каірскі вайсковы шпіталь «Аль Маадзі», якая была пазьней абвергнутая лекарамі.