Царква Ўсьпеньня Багародзіцы (Вязынь)

Царква Ўсьпеньня Багародзіцы^[a] — помнік гісторыі другой паловы XIX стагодзьдзя (мураўёўка) у Вязыні. Знаходзіцца на ўсходняй ускраіне гістарычнага мястэчка. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Ўсьпеньня Багародзіцы.

Помнік гісторыі
Царква Ўсьпеньня Багародзіцы
Царква Ўсьпеньня Багародзіцы
Краіна	Беларусь
Вёска	Вязынь
Каардынаты	54°25′15.11″ пн. ш. 27°10′18.82″ у. д.
Канфэсія	Беларуская праваслаўная царква
Эпархія	Маладэчанская япархія[d]
Царква Ўсьпеньня Багародзіцы на мапе Беларусі Царква Ўсьпеньня Багародзіцы
Царква Ўсьпеньня Багародзіцы на Вікісховішчы

Гісторыя

Царква, каля 1900 г.

Царква, да 1939 г.

Драўляную царкву Ўрадавага сыноду Расейскай імпэрыі (Маскоўскай царквы) у Вязыні збудавалі ў 2-й палове XIX ст.

Архітэктура

Прыклад эклектычнай царкоўнай архітэктуры Расейскай імпэрыі. Гэта 3-зрубны храм з 5-граннай апсыдай. Выцягнуты папярочнай восьсю прытвор завяршаецца на тарцох трыкутнымі франтонамі з разным дэкорам. Франтон выкарыстоўваецца ў аздабленьні 2-схільнага брыля над ганкам галоўнага ўваходу. Асноўны кубападобны аб’ём мае 2 ярусы, завершаныя шматгранным шатровым сьветлавым барабанам з купалам-цыбулінай. Шатровае завяршэньне з купалам-цыбулінай таксама мае надбудаваная над прытворам званіца. Сьцены праразаюцца прастакутнымі аконнымі праёмамі, дэкараванымі фігурнымі ліштвамі з трыкутнымі сандрыкамі^[1].

Заўвагі

1. Назва царквы прыводзіцца паводле афіцыйнага тытулу Маскоўскага патрыярхату (рас. Церковь Успения Пресвятой Богородицы, Свято-Успенская церковь), тым часам беларускай гістарычнай традыцыі адпавядае назва царква Прачыстай Багародзіцы або Прачысьценская царква