Царква Праабражэньня Гасподняга (Астрына)

Царква Праабражэньня Гасподняга^[a] — помнік гісторыі другой паловы XIX стагодзьдзя (мураўёўка) у Астрыне. Знаходзіцца ў цэнтры мястэчка, на Гарадзенскай вуліцы. Дзее. Твор архітэктуры расейскай эклектыкі.

Помнік гісторыі
Царква Праабражэньня Гасподняга
Спаская царква
Краіна	Беларусь
Мястэчка	Астрына
Каардынаты	53°43′49.01″ пн. ш. 24°31′51.01″ у. д.
Канфэсія	Беларуская праваслаўная царква і праваслаўе
Эпархія	Гарадзенская і Ваўкавыская япархія[d]
Архітэктурны стыль	псэўдарускі стыль[d]
Царква Праабражэньня Гасподняга на мапе Беларусі Царква Праабражэньня Гасподняга
Царква Праабражэньня Гасподняга на Вікісховішчы

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Астрыне збудавалі ў 1855 годзе.

Архітэктура

Прыклад эклектычнай царкоўнай архітэктуры Расейскай імпэрыі. Крыжовую форму будынка ўтвараюць цэнтральны кубападобны аб’ём малітоўнай залі, бакавыя прыдзелы, паўкруглая апсыда і прытвор-званіца. Сяродкрыжжа завяршаецца 8-гранным шатром з заломам і купалам-цыбулінай. Вэртыкальнай дамінантай зьяўляецца 3-ярусная чацьверыкавая званіца, якая таксама завяршаецца шатром з купалам-цыбулінай. Галоўны ўваход у яе першым ярусе мае выгляд аркавага парталу-прытвору пад 2-схільным пакрыцьцём. На фоне паліхромнай бутавай муроўкі сьценаў кантрастава вылучаюцца атынкаваныя і пабеленыя элемэнты архітэктурнага дэкору — кутнія лапаткі, гарадковыя фрызы, роўнічныя ліштвы аркавых аконных праёмаў.

Усярэдзіне ў цэнтральную 8-гранную залю адкрываецца прастора пірамідальнага скляпеньня — апсыда, прыдзелы і трапезная адкрываюцца шырокімі аркамі-прасьветкамі. Апсыда аддзяляецца 4-ярусным іканастасам^[1].

Галерэя

• Гістарычныя здымкі
• 
  каля 1900 г.
• 
  да 1939 г.
• 
  П. Трошкін, верасень 1939 г.
• 
  П. Трошкін, верасень 1939 г.

Заўвагі

1. Назва царквы прыводзіцца паводле афіцыйнага тытулу Маскоўскага патрыярхату (рас. Церковь Преображения Господнего, Спасо-Преображенская церковь), тым часам беларускай гістарычнай традыцыі адпавядае назва царква Сьвятога Спаса або Спаская царква