Царква Сьвятога Аляксея (Смаляны)

Царква Сьвятога Аляксея — помнік гісторыі другой паловы XIX стагодзьдзя (мураўёўка) у Смалянах. Знаходзіцца ў паўднёва-заходняй частцы гістарычнага мястэчка, на вуліцы Слабадзе. Лічыцца прыпісной да Спаскай царквы. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Аляксея (неадназначнасьць).

Помнік гісторыі
Царква Сьвятога Аляксея
Аляксееўская царква
Краіна	Беларусь
Вёска	Смаляны
Каардынаты	54°35′42.87″ пн. ш. 30°03′21.32″ у. д.
Архітэктурны стыль	псэўдарускі стыль[d]
Дата заснаваньня	1864
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Аляксея на мапе Беларусі Царква Сьвятога Аляксея
Царква Сьвятога Аляксея на Вікісховішчы

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Смалянах збудавалі ў 1864 годзе.

У 1930-я гады савецкія ўлады зачынілі царкву.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую кампазыцыю: званіца, трапезная, малітоўная заля, гранёная апсыда. Сылюэт вылучаецца дзьвюма вэртыкальнымі дамінантамі — 2-яруснай 4-граннай шатровай званіцай і сфэрычным купалам на 8-гранным сьветлавым барабане над 4-схільным дахам цэнтральнага кубападобнага аб’ёму. Фасады падзяляюцца высокімі аркавымі аконнымі праёмамі і кутнімі лапаткамі.

У інтэр’ер раскрываецца сьветлавы барабан, падтрыманы чатырма 4-граннымі пілёнамі і перакінутымі празь іх аркамі, скляпеньнямі-ветразямі. Трапезная і прыдзелы перакрываюцца цыліндрычнымі скляпеньнямі на распалубках^[1].