Царква Сьвятога Мікалая (Лядна)

'Царква Сьвятога Мікалая — мураваны праваслаўны храм у вёсцы Лядна Слуцкага раёну Менскай вобласьці.

Храм
Царква Сьвятога Мікалая
Краіна	Беларусь
Вёска	Лядна
Каардынаты	52°59′26″ пн. ш. 27°13′5″ у. д.
Канфэсія	праваслаўе
Эпархія	Слуцкая
Тып будынка	царква
Будаваньне	2015—2017 гады
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Гісторыя

Прыход храма Сьвяціцеля Мікалая Цудатворца быў зарэгістраваны 3 верасьня 2008 году. Прыход прыстасаваў пад малітоўнае памяшканьне сельскі дом.

8 сакавіка 2015 году, япіскап Слуцкі і Салігорскі Антоній зьдзейсьніў чын закладкі каменя ў падмурак храма Сьвятога Мікалая Цудатворца. 25 лістапада 2015 году Ўладыка Антоній зьдзейсьніў чын асьвячэньня купалоў і надкупальнага крыжа храма. 3 чэрвеня 2016 году былі асьвечаныя званы для храма.

21 траўня 2017 году япіскап Слуцкі і Салігорскі Антоній зьдзейсьніў чын асьвячэньня храму^[1].

Пробашчам храму зьяўляецца іерэй Павел Сяргееў^[2].