Чаротаўкі

Чаротаўкі (Acrocephalus) — род дробных мошкаедных пявучых птушак. Раней былі далучаныя да сямейства валасянкавых, апошнім часам вылучаюцца ў асобнае сямейства чароткавых (Acrocephalidae). Уключае каля 35 відаў, распаўсюджаных у Старым сьвеце.

Чаротаўкі
Садовая чаротаўка (Acrocephalus dumetorum)
Клясыфікацыя
Надцарства	Эўкарыёты
Царства	Жывёлы
Тып	Хордавыя
Кляса	Птушкі
Атрад	Вераб’інападобныя
Сямейства	Чароткавыя
Род	Чаротаўкі
Бінамінальная намэнклятура
Acrocephalus
Чаротаўкі на Віківідах  Чаротаўкі ў Вікісховішчы ITIS 178667 · NCBI 39620

Некаторыя чаротаўкі вельмі дробныя, іншыя могуць дасягаць памераў шпака. Усе аднатоннай афарбоўкі, з падоўжаным целам, пахілым ілбом і прыступкавым хвастом. Пяюць, седзячы на высокай травінцы, вярхушцы быльнягу ці галінцы.

Пераважна абірае вадаёмы, гняздуе на траве, быльнягу ці чароце, на кустах^[1]. Гняздо — глыбокі конус між сьцяблінамі травы, быльнягу ці ў глыбіні кусту^[2].

У сакавіку 2006 году ў Тайляндзе выявілі вялікадзюбую чаротаўку (Acrocephalus orinus)^[3], дагэтуль яе бачылі ўсяго аднойчы ў 1867 годзе.

Віды, якія сустракаюцца ў Беларусі

• Чаротаўка балотная (Acrocephalus palustris)
• Чаротаўка вяртлявая (Acrocephalus paludicola)
• Чаротаўка драздовая (Acrocephalus arundinaceus)
• Чаротаўка звычайная (Acrocephalus schoenobaenus)
• Чаротаўка садовая (Acrocephalus dumetorum)
• Чаротаўка трысьняговая (Acrocephalus scirpaceus)