Юльян Чарноўскі

Юлья́н Чарноўскі, (па-польску: Julian Czarnowski, па-летувіску: Julianas Čarnovskis; нар. 1840, Мальвінава(pl), воласьць Дукшты, Сьвянцянскі павет, Віленская губэрня, Расейская імпэрыя, цяпер Мальвінавас, Ігналінскі раён, Уцянскі павет, Летува — пам. 1870) — паўстанцкі камісар на тэрыторыі Ашмянскага павету, малодшы брат паўстанца й асьветніка Яўстаха Чарноўскага^[1].

Юльян Чарноўскі
лац. Julian Čarnoŭski

Julian Czarnowski
Асабістыя зьвесткі
Нарадзіўся	1840 Мальвінава(pl), воласьць Дукшты, Сьвянцянскі павет, Віленская губэрня, Расейская імпэрыя, цяпер Мальвінавас, Ігналінскі раён, Уцянскі павет, Летува
Памёр	1870
Бацькі	Станіслаў Чарноўскі

Жыцьцяпіс

Нарадзіўся ў маёнтку Мальвінава каля Дукштаў^[2]. Да 1861 году быў вольным слухачом Маскоўскага ўнівэрсытэту^[3] й студэнтам Пецярбурскага ўнівэрсытэту. Некаторы час перабываў у Данюшава. Са студзеня 1861^[4] па зіму 1863 году навучаўся ў Ягелонскім унівэрсытэце ў Кракаве на факультэце фізычнага выхаваньня^[5][6]. Падчас паўстаньня вярнуўся ў родныя мясьціны, разам з братам далучыўся да паўстаньня. Прызначаны Кастусём Каліноўскім паўстанцкім камісарам Ашмянскага павету^[7]. Паводле паказаньняў Францішка Канаплянскага, Чарноўскі спаганяў падаткі ў Ашмянскім павеце, наладжваў камунікацыю, займаўся папаўненьнем запасаў харчаваньня й рыштунку на выпадак прыбыцьця атраду^[8]. Каля 24 сакавіка 1864 г. за ўдзел у паўстаньні быў прысуджаны да пазбаўленьня правоў стану й канфіскацыі маёмасьці^[9]. Быў сасланы^[10].