Юры Кулажанка

Ю́ры Іва́навіч Кула́жанка (27 траўня 1964(1964-05-27),

• Ручаёўка, Брагінскі раён, Гомельская вобласьць, БССР, СССР

Вікіпэдыя мае артыкулы пра іншых асобаў з прозьвішчам Кулажанка (неадназначнасьць).

Юры Кулажанка
Дата нараджэньня	27 траўня 1964(1964-05-27)
Месца нараджэньня	Ручаёўка, Брагінскі раён, Гомельская вобласьць, БССР, СССР
Дата сьмерці	11 сьнежня 2024(2024-12-11) (60 гадоў)
Месца вучобы	Гомельскі дзяржаўны ўнівэрсытэт (1986)
Занятак	прафэсар унівэрсытэту
Месца працы	Гомельскі дзяржаўны ўнівэрсытэт БелДУТ
Навуковая ступень	доктар фізыка-матэматычных навук[d] (2015)
Узнагароды

— 11 сьнежня 2024(2024-12-11) (60 гадоў)) — беларускі матэматык, спэцыяліст у галіне матэматычнай лёгікі, альгебры і тэорыі лічбаў. Доктар фізыка-матэматычных навук (2015), дацэнт (2004)^[1]. Рэктар Беларускага дзяржаўнага ўнівэрсытэту транспарту (2016—2024).

Жыцьцяпіс

У 1986 року скончыў Гомельскі дзяржаўны ўнівэрсытэт па спэцыяльнасці «Матэматыка». Па сканчэньні навучаньня разьмеркаваны на пасаду настаўніка матэматыкі Даўгалескай сярэдняй школы Гомельскага раёну, а ў 1988 року прызначаны на пасаду намесьніка дырэктара па навучальна-выхаваўчай рабоце Верхне-Брылёўскай сярэдняй школы Гомельскага раёну.

У 1990—1992 роках навучаўся ў асьпірантуры Беларускага інстытуту інжынэраў чыгуначнага транспарту па спэцыяльнасьці «Матэматычная лёгіка, альгебра і тэорыя лікаў». У 1992—2004 роках працаваў у Беларускім дзяржаўным унівэрсытэце транспарту. Дацэнт (2004).

У 1998 року абараніў кандыдацкую дысэртацыю на тэму «Крытэры паўабелявасьці n-арных груп»^[2], а ў 2015 року — доктарскую дысэртацыю на тэму «Поліядычныя апэрацыі і іх прыкладанні»^[3].

У 2004—2014 роках — першы прарэктар Гомельскага дзяржаўнага ўнівэрсытэту імя Францішка Скарыны.

У 2014—2016 — начальнік управы падрыхтоўкі навуковых кадраў вышэйшай кваліфікацыі Беларускага дзяржаўнага ўнівэрсытэту інфарматыкі і радыёэлектронікі^[1].

26 кастрычніка 2016 року прызначаны рэктарам Беларускага дзяржаўнага ўнівэрсытэту транспарту^[1].

Быў дэпутатам Гомельскага абласнога Савету дэпутатаў 28 скліканьня.

Памёр 11 сьнежня 2024 року пасьля цяжкай і працяглай хваробы^[4].

Узнагароды

• Падзяка Старшыні Палаты прадстаўнікоў Нацыянальнага сходу Рэспублікі Беларусь (2018)^[1];
• падзяка Міністра транспарту і камунікацый Рэспублікі Беларусі^[5];
• грамата Міністэрства абароны Рэспублікі Беларусі^[5];
• ганаровая грамата Міністэрства транспарту і камунікацый Рэспублікі Беларусі^[5];
• знак адрозьненьня «Ганаровы транспартнік»^[5];
• нагрудны знак «Выдатнік Беларускай чыгункі»^[5];
• падзяка Адміністрацыі прэзыдэнта Рэспублікі Беларусі^[5].