Брагінскі раён

Бра́гінскі раён — адміністрацыйна-тэрытарыяльная адзінка ў складзе Гомельскай вобласьці Беларусі.

Брагінскі раён
Герб
Агульныя зьвесткі
Краіна	Беларусь
Статус	раён Беларусі
Уваходзіць у	Гомельская вобласьць
Адміністрацыйны цэнтар	Брагін
Дата ўтварэньня	8 сьнежня 1926
Кіраўнік	Аляксандар Кохан[d][1]
Насельніцтва (2018)	11 887[2]
Шчыльнасьць	6,1 чал./км²
Плошча	1954,58[3] км²
Вышыня па-над узр. м.  · сярэдняя вышыня	127 м[4]
Месцазнаходжаньне Брагінскага раёну
Мэдыя-зьвесткі
Тэлефонны код	+375 2344
Паштовыя індэксы	247632
Код аўтам. нумароў	3
Афіцыйны сайт
Дадатковыя мультымэдыйныя матэрыялы

Гісторыя

Першыя людзі зьявіліся на тэрыторыі Брагінскага раёну ў пэрыяд нэаліту. Першы ўспамін пра Брагін у летапісах датуецца 1147 годам. Раён утвораны 8 сьнежня 1926 году. Падчас Нямецка-савецкай вайны нямецкія акупанты спалілі 70 % са 105 вёсак Брагінскага раёну^[5].

З 8 студзеня 1954 году ўваходзіць у склад Гомельскай вобласьці. На 1 студзеня 1991 году ў раёне 83 сельскія населеныя пункты, гарадзкі пасёлак Камарын, 2 пасялковыя саветы: Брагінскі і Камарынскі, 12 сельсаветаў: Асарэвіцкі, Астраглядаўскі, Верхнежароўскі, Вуглоўскі, Крыўчанскі, Малажынскі, Малейкаўскі, Мікуліцкі, Новаялчанскі, Сьпярыскі, Хракавіцкі, Чамярыскі.

Пасьля катастрофы на Чарнобыльскай АЭС частка раёну ўвайшла ў зону радыяцыйнага кантролю, частка населеных пунктаў у зону адсяленьня.

Геаграфія

Тэрыторыя раёну раўнінная. Ёсьць невысокія схілы. Сярэдняя вышыня раёну 110—120 мэтраў над узроўнем мора. Асноўныя карысныя выкапні — торф, цэгла. Сярэдняя тэмпэратура студзеня −6,6 °C, ліпеня +18 °C. Асноўныя рэкі — Дняпро і Брагінка. Маецца вялікая колькасьць азёраў. Больш 60% тэрыторыі маюць шчыльнасьць забруджваньня Сs 137 больш за 5 Ku/км².

Насельніцтва

На 1 студзеня 1991 году ў раёне (бяз Брагіна) 17,5 тыс. жыхароў.

Паводле перапісу насельніцтва 2009 году беларусы складаюць 91,8%, расейцы — 4,3%, украінцы — 3,1%, астатнія — менш за 1%^[6]. Найбуйнейшыя населеныя пункты — Брагін (3,9 тысячы жыхароў) і Камарын (2,1 тысячы жыхароў)^[7]. Натуральны прырост насельніцтва раёну нэгатыўны. Міграцыйны прырост — таксама. У раёне ёсьць 3 праваслаўныя і 3 пратэстанцкія суполкі.

• XX стагодзьдзе: 1990 год — 17,5 тыс.; 1998 год — 17,4 тыс.
• XXI стагодзьдзе: 2006 год — 15,9 тыс.; 2009 год — 14 211 чал. (перапіс)^[7]; 2016 год — 12 128 чал.^[8]; 2017 год — 11 912 чал.^[9]; 2018 год — 11 887 чал.^[2]

Транспарт

У раёне працуе адно транспартнае прадпрыемства. Маршрутная сетка складаецца з 7 міжгародніх, 10 прыгарадных і 1 гарадзкой перавозкі.

Адукацыя

У раёне працуюць 9 сярэдніх, 2 базавыя школы. У Брагінскай сярэдняй школе маецца гімназічны кляс. У школах раёну вучыцца 2347 дзяцей.

Спорт

Спортам займаецца 19% вучняў школ раёну. У раёне ёсьць 3 стадыёны ўмяшчальнасьцю па 1500 чалавек кожны.

Асобы

• Гаўрыла Вашчанка (1928, в. Чыкалавічы — 2014) — беларускі жывапісец
• Міхась Раманюк (1944—1997) — беларускі мастацтвазнаўца і этнограф
• Юлія Цімафеева (нар. 1982) — беларуская літаратарка, перакладчыца
• Мікола Ракітны (сапр. — Мікалай Ісакавіч Новікаў; 1920—2000) — беларускі празаік