Андрэ-П’ер Жыньяк
францускі футбаліст From Wikipedia, the free encyclopedia
францускі футбаліст From Wikipedia, the free encyclopedia
Андрэ-П’ер Жыньяк (па-француску: André-Pierre Gignac; нарадзіўся 5 сьнежня 1985 году, Мартыг, Францыя) — францускі футбаліст, які выступае за мэксыканскі клюб «Тыгрэс УАНЛ» і нацыянальную зборную Францыі. Жыньяк мае стрыечных братоў футбалістаў Жака Абарданада й Яана Малё.
| Андрэ-П’ер Жыньяк | ||
.jpg) | ||
| Пэрсанальная інфармацыя | ||
|---|---|---|
| Нарадзіўся | 5 сьнежня 1985[1][2][3] (38 гадоў) | |
| Рост | 187 см | |
| Вага | 95 кг | |
| Пазыцыя | нападнік | |
| Клюбная інфармацыя | ||
| Клюб | Тыгрэс УАНЛ | |
| Нумар | 10 | |
| Клюбы | ||
| Гады | Клюб | Гульні (галы)¹ |
| 2004—2007 2005—2006 2007—2010 2010—2015 2015— |
Ляр’ен → По (арэнда) Тулюза Алімпік Марсэль Тыгрэс УАНЛ |
51 (11) 18 (8) 100 (35) 155 (59) 333 (185) |
| Зборныя | ||
| 2009— | Францыя | 36 (7) |
|
¹ Колькасьць гульняў і галоў за прафэсійны клюб лічыцца толькі | ||
Андрэ-П’ер пачаў сваю кар’еру ва ўзросьце пяці гадоў у школе клюбу «Фос». Затым гуляў у акадэміі «Мартыга»[4] й моладзевым складзе клюбу «Ляр’ен», які выступаў у Лізе 2[5]. 13 жніўня 2004 году Жыньяк дэбютаваў у асноўным складзе «Ляр’ена», выйшаўшы на замену ў матчы супраць «Шатару», празь некалькі сэкундаў пасьля зьяўленьня на полі, Жыньяк забіў гол у браму супернікаў, прынёсшы перамогу сваёй камандзе.
25 чэрвеня 2007 году Жыньяк падпісаў чатырохгадовы кантракт з клюбам «Тулюза», які заплаціў за трансфэр форварда 4,5 млн эўра. «Тулюза» здолела выйграць барацьбу за гульца ў клюбу «Ліль», зь якім Андрэ-П’ер нават падпісаў папярэдні кантракт, прапанаваўшы заробак у два разы вышэй, чым прапаноўваў «Ліль»[6].
24 жніўня 2010 году гулец падпісаў чатырохгадовы кантракт з марсэльскім «Алімпікам» з заработнай платай ў 60 тысячаў фунтаў стэрлінгаў у тыдзень[7]. Сума трансфэру склала 18 млн эўра[8]. 29 жніўня 2010 году гулец дэбютаваў за марсэльцаў у выязным матчы супраць «Бардо», замяніўшы на 75-й хвіліне Брандана. Праз два месяцы пасьля пераезду ў Марсэль Жыньяк забіў свой першы гол за клюб у матчы супраць «Сэнт-Эт’ену», якая скончылася зь лікам 1:1[9]. 3 лістапада 2010 году Жыньяк аформіў хет-трык у пераможным матчы Лігі чэмпіёнаў супраць славацкай «Жыліны» зь лікам 7:0.
Аднак восень для Жыньяка прайшла вельмі цяжка, што прывяло да крытыкі з боку мясцовых СМІ, клюбных прыхільнікаў і былых гульцоў клюбу, то бок Жан-П’ер Папэн раскрытыкаваў гульня нападніка, заявіўшы што ён стаў занадта прадказальным[10][11]. Жыньяк прызнаў, што крытыка ў ягоны бок была апраўданая і паабяцаў зьмяніць сваю гульню ў 2011 годзе[12]. Пасьля зімовага перапынку Жыньяк пачаў больш забіваць, спачатку адзначыўшыся ў першым матчы лігі супраць «Бардо» (2:1).
У склад зборнай Францыі Жыньяк быў выкліканы ўпершыню ў 2009 годзе на матч супраць зборнай Летувы. 1 красавіка ён упершыню выйшаў у футболцы нацыянальнай каманды, замяніўшы Франка Рыбэры на 69-й хвіліне сустрэчы[13]. 12 жніўня ён забіў свой першы гол за зборную, паразіўшы браму зборнай Фарэрскіх астравоў і прынёсшы сваёй камандзе перамогу[14].
«Алімпік Марсэль»:
«Тыгрэс УАНЛ»:
Жыньяк, які мае акрамя альжырскіх, яшчэ й цыганскія карані, жанаты на цыганцы[15], мае сына, якога таксама клічуць Андрэ-П’ер.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
