Адак (востраў)

Адак (англ.: Adak) — востраў у групе Алеуцкіх астравоў. Уваходзіць у склад амерыканскага штата Аляска. Плошча — 711 км². Насельніцтва (2011 г.) — 326 чалавек.

Адак
англ. Adak
Узбярэжжа
Характарыстыкі
Плошча	711 км²
Насельніцтва	326 чал.
Шчыльнасць насельніцтва	0,46 чал./км²
Размяшчэнне
51°46′33,50″ пн. ш. 176°36′59,90″ з. д.HGЯO
Акваторыя	Ціхі акіян
Краіна	ЗША
Адак
Медыяфайлы на Вікісховішчы

Геаграфія

Карта

Адак — востраў у групе Андрэянаўскіх астравоў Алеуцкага архіпелага. Месціцца ў 1916 км на паўднёвым захадзе ад Анкорыджа паміж астравамі Канага і Кагаласка.

Мае вулканічнае паходжанне. Ландшафты ўключаюць горныя раёны, шырокія пагорыстыя раўніны, скалы, вузкія марскія пляжы. Горы і раўніны поўдня ўяўляюць сабою вынік плейстацэнавай ледавіковай эрозіі марской платформы. Паўднёвыя берагі часцяком паднятыя, з высокімі скаламі. На поўначы вылучаюцца два адзінкавых вулканічных конуса Агадак і Мофет. Вышыня вулкана Мофет дасягае 1196 м. Паміж імі знаходзяцца вулканічныя пагоркі, застылыя лававыя струмяні. Прыбярэжныя пясчаныя выдмы адлучаюць некалькі буйных лагун ад мора.

Рэкі кароткія, парожыстыя, часам ствараюць азёры. На поўдні ёсць некалькі маляўнічых вадаспадаў.

Клімат пераходны ад умеранага да арктычнага. На поўначна-усходнім беразе сярэднегадавая тэмпература трымаецца каля +5°C. Улетку частыя туманы. У горных раёнах надвор'е больш прахалоднае.

• 
  Вулкан Мофет
• 
  Вулкан Агадак
• 
  Возера Леан

Прырода

Нізіны, запоўненыя тарфянымі глебамі, пакрыты зараснікамі траў і хмызнякоў. На ўзроўні вышэй за 450 м травы рэдкія, але сустракаюцца імхі і лішайнікі. Марскія пляжы знакаміты лежнямі ластаногіх, рэдка наведваюцца каланамі. Шмат марскіх птушак. У сезон нерасту рэкі прыцягваюць ласосепадобных рыб. У выніку чалавечай дзейнасці на востраве Адак інтрадуцыраваны карыбу, лісы, пацукі і мышы.

Паўднёвая частка Адака і вяршыня вулкана Агадак на поўначы маюць запаведны характар. Аднак ліцэнзійны лоў рыбы і паляванне на карыбу дазволены на ўсёй тэрыторыі вострава

• 
  Квітнее лубін
• 
  Дзікія гусі

Спасылкі

• Geology of of Northern Adak Island, Alaska
• Geology of Southern Adak Island and Kagalaska Island, Alaska
• Wildlife Viewing - Adak Island Архівавана 22 сакавіка 2019.
• Literature survey of the vegetation of the Aleutian Islands
• ADAK Historical Guide Архівавана 7 студзеня 2018.
• Adak Island – Salvaging Items Left Behind Архівавана 22 сакавіка 2019.
• Adak Island, Far Out in the Bering Sea, May Be Where the Wind Begins