Іван Дзянісавіч Варвашэня

Іва́н Дзяні́савіч Варвашэ́ня (31 снежня 1904, в. Быстрыца, Капыльскі раён — 4 сакавіка 1957) — адзін з арганізатараў і кіраўнікоў камуністычнага падполля і партызанскага руху на тэрыторыі Мінскай вобласці ў гады Вялікай Айчыннай вайны^[2].

Іван Дзянісавіч Варвашэня
1-ы сакратар Мінскага ГК КПБ 1950 — 1957
Папярэднік	Кірыл Мазураў
Пераемнік	Аркадзь Рудак
сакратар Мінскага абкама 1944 — 1950
сакратар Мінскага падпольнага абкама КП(б)Б 21 ліпеня 1941 года — май 1943
Нараджэнне	31 снежня 1904(1904-12-31) Быстрыца, Слуцкі павет, Мінская губерня, Расійская імперыя[1]
Смерць	4 сакавіка 1957(1957-03-04)[1] (52 гады)
Месца пахавання	Вайсковыя могілкі
Партыя	КПСС
Адукацыя	Маскоўскі інстытут інжынераў транспарту[d] (1934)
Род войскаў	партызаны
Камандаваў	камісар партызанскага злучэння
Бітвы	Вялікая Айчынная вайна
Узнагароды

У Вікіпедыі ёсць артыкулы пра іншых людзей з прозвішчам Варвашэня.

Біяграфія

Член КПСС з 1927 года. Скончыў Маскоўскі інстытут інжынераў чыгуначнага транспарту  (руск.) ў 1934 годзе. У 1939-41 загадчык аддзела, сакратар па транспарце Мінскага абкама КП(б)Б.

У час Вялікай Айчыннай вайны з 21 ліпеня 1941 года па май 1943 сакратар Мінскага падпольнага абкама КП(б)Б і адначасова са жніўня 1942 па красавік 1943 г. сакратар Слуцкага падпольнага межрайкама КП(б)Б, камісар партызанскага злучэння Слуцкай зоны.

З 1944 года сакратар Мінскага абкама, з 1950 1-ы сакратар Мінскага ГК КПБ. Кандыдат у члены ЦК КПБ ў 1949-52, член ЦК КПБ ў 1952-56. Дэпутат Вярхоўнага Савета БССР з 1947.

Магіла Івана Варвашэні

Пахаваны на Вайсковых могілках Мінска.

Памяць

Яго імем названа вуліца ў Мінску (спачатку так называўся сучасны праспект Машэрава на ўчастку ад праспекта Незалежнасці да вуліцы Старажоўскай).

Зноскі

1. Варвашеня Иван Денисович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 25 лютага 2017.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Варвашеня Иван Денисович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с.