Ігар Робертавіч Вільдфлуш

У Вікіпедыі ёсць артыкулы пра іншых людзей з прозвішчам Вільдфлуш.

Ігар Робертавіч Вільдфлуш (нар. 7 мая 1940, Горкі, Магілёўская вобласць) — беларускі вучоны ў галіне аграхіміі, доктар сельскагаспадарчых навук (1996), прафесар (1998). Акадэмік Беларускай інжынернай акадэміі (2000) і Акадэміі аграрнай адукацыі Расійскай Федэрацыі (2009).

Ігар Робертавіч Вільдфлуш
Дата нараджэння	7 мая 1940(1940-05-07) (85 гадоў)
Месца нараджэння	Горкі, Горацкі раён, Магілёўская вобласць, Беларуская ССР, СССР
Грамадзянства	СССР  Беларусь
Бацька	Роберт Тэнісавіч Вільдфлуш
Род дзейнасці	навуковец
Месца працы	Беларуская дзяржаўная сельскагаспадарчая акадэмія
Навуковая ступень	доктар сельскагаспадарчых навук (1996)
Навуковае званне	прафесар[d] (1998)
Альма-матар	Беларуская дзяржаўная сельскагаспадарчая акадэмія (1964)
Прэміі	прэмія Нацыянальнай акадэміі навук Беларусі
Узнагароды	Ганаровая грамата Міністэрства сельскай гаспадаркі і харчавання Рэспублікі Беларусь[d] Ганаровая грамата Міністэрства прыродных рэсурсаў і аховы навакольнага асяроддзя Беларусі[d] Ганаровая грамата Міністэрства адукацыі Рэспублікі Беларусь

Біяграфія

Нарадзіўся ў Горках у сям’і доктара сельскагаспадарчых навук, прафесара Роберта Тэнісавіча Вільдфлуша^[1]. У 1964 годзе скончыў Беларускую сельскагаспадарчую акадэмію. З 1964 года працаваў інжынерам-глебазнаўцам у глебавай экспедыцыі пры БСГА. З 1966 па 1969 гады — асістэнт кафедры біяхіміі.

У 1972 годзе абараніў кандыдацкую дысертацыю на суісканне вучонай ступені кандыдата сельскагаспадарчых навук. З 1972 па 1981 год працаваў асістэнтам кафедры глебазнаўства, старшым выкладчыкам, дацэнтам кафедры аграхіміі. У 1995 годзе абараніў дысертацыю на суісканне вучонай ступені доктара сельскагаспадарчых навук. З 1998 года — прафесар. У 1996 годзе абраны загадчыкам кафедры аграхіміі. З 1 студзеня 2020 года — прафесар кафедры аграхіміі ^[2].

Сям’я

• дачка Вольга Ігараўна Мішура (нар. 1978), кандыдат сельскагаспадарчых навук

Уклад у навуку

І. Р. Вільдфлуш упершыню ў рэспубліцы з выкарыстаннем метадаў фракцыянавання арганічных і мінеральных фасфатаў даследаваў структуру фасфатнага фонду дзярнова-падзолістых аўтаморфных, забалочаных і эразіраваных дзярнова-падзолістых глеб. Вывучаў ператварэнне форм фосфарных угнаенняў у асноўных разнавіднасцях дзярнова-падзолістых глеб у працяглых стацыянарных даследаваннях з угнаеннямі, уплыў вапнавання на фасфатны рэжым глебы і ператварэнне форм фосфарных угнаенняў і інш.^[3].

Па выніках навуковых даследаванняў апублікаваў больш за 400 навуковых і навукова-метадычных работ, у тым ліку звыш 30 кніг, падручнік «Аграхімія», які вытрымаў два выданні, 15 вучэбных дапаможнікаў, 6 манаграфій, даведнікаў аграхіміка, а таксама шэраг навукова-папулярных кніг, навуковых артыкулаў у навуковых часопісах Беларусі і шэрагу замежных краін.

Навуковая школа

Стварыў цэлую навуковую школу па праблемах аптымізацыі фасфатнага рэжыму дзярнова-падзолістых глеб, даследаванні эфектыўнасці новых форм угнаенняў, бактэрыяльных дыязатрофных і фасфатмабілізуючых біяпрэпаратаў, рэгулятараў росту раслін. Пад яго кіраўніцтвам абаронены 9 дысертацый, у тым ліку 8 кандыдацкіх і адна доктарская.

Узнагароды і прэміі

Узнагароджаны медалём Францыска Скарыны, медалём «За працоўныя заслугі» (2021)^[4], ганаровымі граматамі Міністэрства сельскай гаспадаркі і харчавання, Прэзідыума акадэміі Аграрных навук Рэспублікі Беларусь, Міністэрства адукацыі Рэспублікі Беларусь, Нацыянальнай акадэміі навук Беларусі, Міністэрства прыродных рэсурсаў і аховы навакольнага асяроддзя Рэспублікі Беларусь.

Лаўрэат Дзяржаўнай прэміі Рэспублікі Беларусь у галіне навукі і тэхнікі (2002, у аўтарскім калектыве) — за цыкл прац «Стварэнне комплекса вучэбнай літаратуры па аграхіміі для вышэйшых і сярэдніх спецыяльных сельскагаспадарчых навучальных устаноў». У 2006 годзе І. Р. Вільдфлушу за цыкл навуковых прац (у суаўтарстве) прысуджана прэмія Нацыянальнай акадэміі навук Беларусі^[5].

Працы

• Экологические проблемы агрохимии : учеб.-метод.пособие. — Мн.: 1997 (у суаўт.).
• Система удобрения сельскохозяйственных культур : учеб.пособие. — Мн.: 1998.
• Фосфор в почвах и земледелии Беларуси. — Мн.: 1999 (разам з А. Р. Цыганавым).
• Агрохимия : учебник для студентов с.-х. вузов. — 2-е изд.- Мн.: 2001 (у суаўт.).
• Экологические и медико-социальные аспекты охраны природной среды и здоровья населения. — Мн.:, 2002 (у суаўт.).
• Биологический азот в земледелии Беларуси. — Мн.: 2003 (у сааўт.).
• Удобрения и качество урожая сельскохозяйственных культур. — Минск: 2005 (у сааўт.).
• Эффективность применения микроудобрений и регуляторов роста при возделывании сельскохозяйственных культур. — Мн.:, 2011 (у суаўт.).
• Комплексное применение средств химизации при возделывании зерновых культур. — Мн.: 2014 (у суаўт.).
• Применение удобрений на основе материалов агрохимического и радиологического обследования почв// Учебное пособие для студентов с.-х. вузов. — Мн.: 2003. — 132 с. (у суаўт.).
• Крупномасштабное агрохимическое и радиологическое обследование почв // Практическое пособие по прохождению учебной и производственной практики учащимися средних специальных и студентами высших учреждений образования. — Мн.: ГУ «Учебно-методический центр Минсельхозпрода», 2004. — 81 с. (у суаўт.).
• Система применения удобрений. Дипломное и курсовое проектирование// Учебное пособие для студентов специальности «Агрохимия и почвоведение», "Защита растений и карантин. — Мн.: УП ИВЦ Минфин, 2005. — 136 с. (у суаўт.).
• Агрохимия. Практикум. Учебное пособие для студентов высших учебных заведений по агрономическим специальностям / Под редакцией И. Р. Вильдфлуша, С. П. Кукреша // — Мн.: ИВЦ Минфина, 2010. — 368 с. (у суаўт.).
• Агрохимия: учебное пособие / под ред. И. Р. Вильдфлуша // — Мн.: РИПО, 2011. — 300 с. (у суаўт.).
• Агрохимия: Учебник / под ред. И. Р. Вильдфлуша // — Мн.: ИВЦ Минфина, 2013. — 704 с. (у суаўт.).
• Вильдфлуш, И. Р. Крупномасштабное и радиологическое обследование почв: пособие / И. Р. Вильдфлуш [и др.] //- Горки: БГСХА, 2013. — 84 с. (у суаўт.).
• Агрохимия и система применения удобрений: учебно-методическое пособие. С. Ф. Шекунова, И. Р. Вильдфлуш, В. В. Лапа [и др.] //- Горки: БГСХА, 2016. — 258 с.
• Современные технологии возделывания сельскохозяйственных культур: учебно-методическое пособие/ И. Р. Вильдфлуш [и др.] под ред. И. Р. Вильдфлуша, П. А. Саскевича — Горки : БГСХА, 2016—383 с.
• Справочник агронома / И. Р. Вильдфлуш [и др.]; под ред. И. Р. Вильдфлуша, П. А. Саскевича . — Горки: БГСХА, 2017. — 315 с.