Ігар Уладзіміравіч Градабоеў

Ігар Градабоеў (28 верасня 1971, Гомель — 26 мая 2013, Бабруйск) — беларускі футбаліст, паўабаронца.

Ігар Градабоеў
Агульная інфармацыя
Поўнае імя	Ігар Уладзіміравіч Градабоеў
Нарадзіўся	28 верасня 1971(1971-09-28) Гомель, Гомельская вобласць, Беларуская ССР, СССР
Памёр	26 мая 2013(2013-05-26) (41 год) Бабруйск, Магілёўская вобласць, Беларусь
Пахаванне	Нова-Волкаўскія могілкі
Грамадзянства	Беларусь
Пазіцыя	паўабаронца
Клубная кар’ера[* 1]
1989—1990 Гомсельмаш (Гомель) 30 (0) 1990—1991 Іскра (Смаленск) 38 (2) 1992—1994 Фандак (Бабруйск) 85 (4) 1995—2005 Белшына (Бабруйск) 233 (11)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Кар’ера

Выхаванец гомельскага футбола, пачынаў кар’еру ў мясцовым «Гомсельмашы». З 1992 года выступаў за бабруйскі «Фандак», а з 1995 года на працягу дзесяці гадоў абараняў колеры бабруйскай «Белшыны». Разам са сваім братам-блізнюком Эдуардам Градабоевым быў адным з лідараў тагачаснага бабруйскага футбола, доўгі час быў капітанам «Белшыны». Дапамог бабруйскаму клубу выйграць усе трафеі: тры Кубкі Беларусі і чэмпіянат 2001 года.

Скончыў кар’еру іграка ў 2005 годзе. Пасля гэтага працаваў у сістэме «Белшыны» дзіцячым трэнерам. Памёр 26 мая 2013 года^[1].

Дасягненні

• 01 Чэмпіён Беларусі: 2001
• 02 Срэбраны прызёр чэмпіянату Беларусі: 1997
• 03 Бронзавы прызёр чэмпіянату Беларусі (2): 1996, 1998
• Уладальнік Кубка Беларусі (3): 1997, 1999, 2001