Ігнат Мартынавіч Будзіловіч

У Вікіпедыі ёсць артыкулы пра іншых людзей з прозвішчам Будзіловіч.

Ігнат Мартынавіч Будзіловіч (1841, Валынская губерня, цяпер Украіна — 28 жніўня (9 верасня) 1863, Орша; Псеўданімы: Каткоў, Ян Піховіч) — кіраўнік паўстання 1863—1864 гадоў у Беларусі^[2][3].

Ігнат Мартынавіч Будзіловіч
Нараджэнне	1841 Валынская губерня, Расійская імперыя
Смерць	9 верасня 1863(1863-09-09) Орша, Аршанскі павет, Магілёўская губерня, Расійская імперыя
Бацька	Мартын Будзіловіч[1]
Род войскаў	паўстанцы
Камандаваў	паўстанцкім атрадам
Бітвы	Паўстанне 1863—1864 гадоў

Біяграфія

З небагатай шляхты^[3]. Скончыў Кіеўскі кадэцкі корпус  (руск.) (1859), служыў падпаручнікам у лейб-грэнадзерскім Екацярынаслаўскім палку  (руск.) ў Маскве^[2]. Далучыўся да рэвалюцыйнай арганізацыі^[2], падтрымліваў цесныя сувязі з паплечнікам К. Каліноўскага Л. Звяждоўскім, які быў пераведзены па службе з Вільні ў Маскву^[3].

У красавіку 1863 года ўцёк з вайсковай часці і з Л. Звяждоўскім выехаў на Магілёўшчыну^[2] для арганізацыі паўстанцкіх атрадаў. Пад псеўданімамі Каткоў і Ян Піховіч узначаліў паўстанцкі атрад у Аршанскім павеце^[2]. Наступаў на Бабінавічы і Лёзна. У канцы красавіка 1863 года пад Пагосцішчам^[2] атрад І. Будзіловіча ўступіў у бой з царскімі войскамі і быў разбіты. Будзіловіча арыштавалі, пасля чатырохмесячнага следства асуджаны ваенным судом да расстрэлу^[2][3].

Зноскі

1. Powstanie styczniowe – lista uczestników, powstańców, zesłańców, weteranów, osób wspierających powstanie. Materiały do historii rodów polskich.
2. Будзилович Игнатий Мартынович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с.
3. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 1 / Укладальнік Л. У. Маракоў. — Мн., 2004.