Ізраіль Рагозін

Ізраіль Рагозін (15 сакавіка 1887, Валожын — красавік 1971, Олэнхёрст^[en], Нью-Джэрсі, ЗША) — амерыканскі прадпрымальнік у тэкстыльнай прамысловасці і дабрачынец.^[1]

Ізраіль Рагозін
Род дзейнасці	бізнесмен, прамысловы магнат
Дата нараджэння	15 сакавіка 1887(1887-03-15)
Месца нараджэння	Валожын, Ашмянскі павет, Віленская губерня, Расійская імперыя
Дата смерці	29 красавіка 1971(1971-04-29) (84 гады)
Месца смерці	Олэнхёрст[d], акруга Монмут[d], Нью-Джэрсі, ЗША
Дзеці	Лаянэл Рагозін[d]
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Рагозін.

Раннія гады

Нарадзіўся ў рэлігійнай яўрэйскай сям’і Самуіла Эліэзера і Ханны Рагозіных ў Валожыне. У 1890 годзе бацька паехаў у ЗША па просьбе рабіна Нацыва^[ru], кіраўніка Валожынскай ешывы, каб сабраць сродкі для забеспячэння яе дзейнасці. Праз год у ЗША пераехала Ханна з чатырма дзецьмі.

У 1895 годзе Самуіл Рагозін заснаваў невялікую ткацкую фабрыку ў Брукліне, якая стала даволі паспяховым прадпрыемствам. У 1903 годзе Самуіл вырашыў ствараць ешыву на ўзор Валожынскай і перадаў кіраванне фабрыкай 16-гадоваму Ізраілю.

Ізраіль Рагозін паказаў сябе здольным прадпрымальнікам, да 1912 года на фабрыцы працавала ўжо 200 рабочых, а ў 1920 годзе прадпрыемства мела 5 фабрык і каля 1000 рабочых. У 1921 годзе кампанія атрымала найменне Beaunit Corporation.

Rogosin Industries

У красавіку 1956 года Ізраіль Рагозін заснаваў Rogosin Industries Ltd. для вытворчасці пражы з віскознага валакна. Па просьбе ізраільскага міністра гандлю і прамысловасці Пінхаса Сапіра^[ru], у 1958 годзе вытворчасць была пераведзена ў новазаснаваны горад Ашдод ў Ізраілі, пад што ізраільскі ўрад выдзеліў 1000 дунамаў^[ru] (100 га) зямлі.^[2]

У 1963 годзе Ізраіль Рагозін прадаў долю ў Beaunit Corp., на той час у кампаніі было каля 10000 супрацоўнікаў, а гадавы прыбытак складаў 150 млн долараў ЗША.^[1]

Пазнейшае жыццё і памяць

У 1966 годзе Рагозін ахвяраваў 1 млн долараў на стварэнне Цэнтра па яўрэйскай этыцы ў Нью-Ёрку.

Памёр у Олэнхёрсце (Нью-Джэрсі, ЗША). Адзіны яго сын, Лаянэл Рагозін^[en] (1924—2000) — незалежны амерыканскі рэжысёр.

У памяць Ізраіля Рагозіна названы The Rogosin Institute^[en] ў Нью-Ёрку, некамерцыйная навукова-даследчая ўстанова па вывучэнні хвароб нырак^[en].

Рагозін ахвяраваў 2,5 млн долараў праз фонд Агенцтва яўрэйскай адукацыі на будаўніцтва 10-ці школ у Ізраілі, у т.л. 3-х у Ашдодзе^[3]. У яго гонар названа галоўная вуліца і дзве школы ў Ашдодзе.^[1]

Зноскі

1. Israel Rogosin (нявызн.)(недаступная спасылка). The Jewish Agency for Israel (3 мая 2010). Архівавана з першакрыніцы 2 ліпеня 2013. Праверана July 2, 2013.
2. Salpeter, Eliahu (April 10, 1958). Mr. Rogosin and the Israel Economy. The Canadian Jewish Chronicle. Праверана July 2, 2013.
3. staff (February 15, 1968). Israel Rogosin Dedicates Three New Schools in Ashdod. JTA. Праверана July 2, 2013.