Інга Ругінене

Інга Ругінене (літ.: Inga Ruginienė; нар. 24 мая 1981, Трокі)^[1] — літоўская прафсаюзная і дзяржаўная дзяячка, палітык. Прэм’ер-міністр Літоўскай Рэспублікі (з 26 жніўня 2025).

Інга Ругінене
літ.: Inga Ruginienė
36-ы Прэм’ер-міністр Літвы з 26 жніўня 2025 года
Прэзідэнт	Гітанас Наўседа
Папярэднік	Гінтаўтас Палуцкас
Дэпутат Сейма Літвы з 14 лістапада 2024
Нараджэнне	24 мая 1981(1981-05-24) (44 гады) Трокі, Троцкі раён[d], Літоўская ССР, СССР
Імя пры нараджэнні	літ.: Inga Raitelaitytė
Партыя	Сацыял-дэмакратычная партыя, Літва
Адукацыя	Віленскі ўніверсітэт Універсітэт Мікаласа Ромерыса
Медыяфайлы на Вікісховішчы

У кастрычніку 2024 года абрана ў Сейм Літвы па партыйным спісе Сацыял-дэмакратычнай партыі Літвы. Член Сейма з лістапада 2024 года. Са снежня 2024 года займала пасаду міністра сацыяльнай абароны і працы. 6 жніўня 2025 года прэзідыум СДП прапанаваў кандыдатуру Ругінене на пасаду прэм’ер-міністра Літвы^[2].

26 жніўня 2025 года зацверджана на пасадзе Прэм’ер-міністра Літвы^[3].

Да абрання ў Сейм была старшынёй Канфедэрацыі прафсаюзаў Літвы, віцэ-прэзідэнткай Еўрапейскай канфедэрацыі прафсаюзаў^[4] і рэгіянальнай віцэ-прэзідэнткай Міжнароднай канфедэрацыі прафсаюзаў^[5].