Іосіф Антонавіч Шчарбовіч

Іосіф Антонавіч Шчарбовіч (26 кастрычніка (8 лістапада) 1902, вёска Малая Альшанка, Салігорскі раён, Мінская вобласць — 5 красавіка 1952, Віцебск) — беларускі вучоны ў галіне гельмінталогіі. Доктар ветэрынарных навук (1942), прафесар (1946). Адзін з арганізатараў і першы загадчык кафедры паразіталогіі Віцебскага ветэрынарнага інстытута.

Іосіф Антонавіч Шчарбовіч
Дата нараджэння	8 лістапада 1902(1902-11-08)
Месца нараджэння	Малая Альшанка, Слуцкі павет, Мінская губерня, Расійская імперыя
Дата смерці	5 красавіка 1952(1952-04-05) (49 гадоў)
Месца смерці	Віцебск, Віцебская вобласць, Беларуская ССР, СССР
Грамадзянства	Расійская імперыя  СССР
Род дзейнасці	гельмінтолаг, выкладчык універсітэта, загадчык кафедры
Навуковая сфера	гельмінталогія
Месца працы	Віцебская дзяржаўная акадэмія ветэрынарнай медыцыны
Навуковая ступень	доктар ветэрынарных навук[1] (1942)
Навуковае званне	прафесар (1946)[1]
Альма-матар	Віцебская дзяржаўная акадэмія ветэрынарнай медыцыны

У Вікіпедыі ёсць артыкулы пра іншых людзей з прозвішчам Шчарбовіч.

Біяграфія

У 1928 годзе скончыў вучобу ў Віцебскім ветэрынарным інстытуце. Загадчык санпрапускным пунктам Полацкага акруговага зямельнага аддзела наркамзема Беларусі (1929). Аспірант кафедры паразіталогіі Віцебскага ветэрынарнага інстытута (1929–1931). У 1931—1941 і 1944—1952 гг. загадчык кафедры паразіталогіі. Доктарскую дысертацыю абараніў у 1942 годзе. Распрацаваў метады прыжыццёвай капралагічнай дыягностыкі метастрангілёзу і макракантарынхозу свіней. Аўтар больш за 40 навуковых прац.

Бібліяграфія

• Гельмінтазаанозы (галоўнейшыя глістныя хваробы, агульныя ў жывёлы і чалавека) / І. А. Шчэрбовіч. — Мінск : Дзяржаўнае выдавецтва БССР, Рэдакцыя сельскагаспадарчай літаратуры, 1952. — 58, [2] с. : іл. ; 20 см. — 10000 экз. — 75 к.
• Галоўнейшыя глісныя хваробы хатніх жывёл і меры барацьбы з імі / І. А. Шчэрбовіч. — Мінск : Дзяржаўнае выдавецтва БССР, Рэдакцыя сельскагаспадарчай літаратуры, 1952. — 58, [2] с. : іл. ; 20 см. — 10000 экз. — 75 к.
• Лёгачна-глісныя хваробы буйнай рагатай жывёлы і авечак і барацьба з імі / Шчарбовіч ; Віцеб. ветэрынар.-даслед. ін-т. — Мн. : Дзяржвыд Беларусі. Сельгассектар, 1935. — 53, [1] с. — 10000 экз. — 25 к.

Зноскі

1. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-256230&strq=l_siz=20