Іосіф Вікенцьевіч Казлоўскі

Іосіф Вікенцьевіч Казло́ўскі^[1] (нар. 12 сакавіка 1928) — урач, вучоны ў галіне тэрапіі і курорталогіі, доктар медыцынскіх навук (1971), прафесар (1975).

Іосіф Вікенцьевіч Казлоўскі
Дата нараджэння	12 сакавіка 1928(1928-03-12) (97 гадоў)
Месца нараджэння	Кунцаўшчына, Крэўскі сельсавет, Смаргонскі раён, Беларусь
Грамадзянства	СССР  Беларусь
Род дзейнасці	урач, навуковец
Навуковая сфера	тэрапія
Месца працы	Віцебскі дзяржаўны медыцынскі ўніверсітэт
Навуковая ступень	доктар медыцынскіх навук (1971)
Навуковае званне	прафесар (1975)
Альма-матар	лячэбны факультэт БДМУ (1951)

У Вікіпедыі ёсць артыкулы пра іншых людзей з прозвішчам Казлоўскі.

Біяграфія

Нарадзіўся на хутары Кунцаўшчына (Смаргонскі раён Гродзенскай вобласці Беларусі). У 1951 годзе скончыў лячэбны факультэт Мінскага медыцынскага інстытута. У 1962 годзе скончыў завочную аспірантуру пры ім і абараніў кандыдацкую дысертацыю^[2]. З 1973 года працуе ў Віцебскім дзяржаўным медыцынскім універсітэце. Да 1996 года займаў пасаду загадчыка кафедры шпітальнай хірургіі, з 1996 года — прафесар гэтай кафедры, з 1 верасня 2015 года — прафесар кафедры ўнутраных хвароб № 3^[2].

Навуковая дзейнасць

Аўтар навуковых прац па лячэнні хвароб жоўцевых шляхоў, печані, страўніка. Аўтар і сааўтар 189 публікацый і аўтар 3 навучальных дапаможнікаў^[2]. Сааўтар шэрагу патэнтаў^[3].

Пад кіраўніцтвам І. В. Казлоўскага абаронены 6 доктарскіх і 18 кандыдацкіх дысертацый^[2].

Сярод публікацый:

• Функция печени у больных с хроническими воспалительными заболеваниями желчных путей и печени // Клиническая медицина. 1971, № 2.
• Поликлиническая работа терапевта [Текст] / И. В. Козловский. — Мн.: Вышэйшая школа, 1987.
• Болезни органов пищеварения: Диагностика, дифференциальная диагностика и лечение / И. В. Козловский. — Мн.: Беларусь, 1989.
• Современные аспекты клинической медицины: сб. науч. трудов / МЗ РБ, Витебский мед. ин-т; ред. коллегия : О.-Я. Л. Бекиш, А. А. Кирпиченко, И. В. Козловский и др. — Витебск, 1996.

Зноскі

1. Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7.
2. Козловский Иосиф Викентьевич (руск.) / Асабістая старонка на сайце ВДМУ
3. База патэнтаў Беларусі Архівавана 22 ліпеня 2020. (руск.) (бел.)