Іосіф Пятровіч Сукала

Іосіф (Язэп) Пятровіч Сукала (1901, в. Гулевічы, Бабруйскі павет, Мінская губерня, цяпер Бабруйскі раён — 23 верасня 1937, Менск, НКУС) — беларускі паэт, настаўнік.

Іосіф Пятровіч Сукала
Асабістыя звесткі
Дата нараджэння	1901
Месца нараджэння	Бабруйскі павет, Мінская губерня, Расійская імперыя
Дата смерці	23 верасня 1937(1937-09-23)
Месца смерці	НКУС Менска[d], Менск, Беларуская ССР, СССР
Прафесійная дзейнасць
Грамадская дзейнасць
Партыя	Беларуская партыя сацыялістаў-рэвалюцыянераў
Член у	Маладняк Беларуская літаратурна-мастацкая камуна[d]
Творы ў Вікікрыніцах
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Сукала.

Біяграфія

Нарадзіўся ў 1901 годзе ў вёсцы Гулевічы Бабруйскага павета Мінскай губерні^[1].

Шараговы баец Першай Слуцкай брыгады ў лістападзе-снежні 1920 года. Член Беларускай партыі сацыялістаў-рэвалюцыянераў. У 1920-я гады быў сябрам літаратурных аб'яднанняў «Маладняк» і «Беларуская літаратурна-мастацкая камуна»^[2].

Працаваў настаўнікам у Гулявіцкай школе. Быў жанаты, гадаваў дзіця^[1].

Арыштаваны 30.5.1929 года ў в. Гулевічы. 10.11.1929 асуджаны на 3 гады высылкі. Пакаранне адбываў у Кемі (Расія). Вызвалены 23.3.1932. Паўторна арыштаваны ў 1936 або ў 1937. Расстраляны 23 верасня 1937 года ў менскай унутранай турме НКУС разам з празаікам А. Траецкім. Рэабілітаваны 2 сакавіка 1992^[1].

Зноскі

1. СУКАЛА Іосіф Пятровіч // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 2 / Укладальнік Л. У. Маракоў. — Мн., 2005.
2. Краўчанка, Вольга. Беларуска з Масквы нечакана даведалася, што яна — унучка слуцкага паўстанца. ВІДЭА  (бел.). Радыё Свабода (1 снежня 2020). Праверана 9 лютага 2024.