Іосіф Робертавіч Варановіч

Іосіф Робертавіч Варановіч (3 снежня 1928, в. Гайна, Лагойскі раён, Мінская вобласць — 21 жніўня 2018) — беларускі вучоны ў галіне траўматалогіі і артапедыі. Заслужаны дзеяч навукі БССР.

Іосіф Робертавіч Варановіч
Дата нараджэння	3 снежня 1928(1928-12-03)
Месца нараджэння	Гайна, Гайненскі сельсавет, Лагойскі раён, Менская акруга, Беларуская ССР, СССР
Дата смерці	21 жніўня 2018(2018-08-21) (89 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	навуковец
Навуковая сфера	траўматалогія, артапедыя і нейрахірургія
Месца працы	Рэспубліканскі навукова-практычны цэнтр траўматалогіі і артапедыі[d]
Навуковая ступень	доктар медыцынскіх навук
Альма-матар	Мінскі медыцынскі інстытут (1953)
Узнагароды

У Вікіпедыі ёсць артыкулы пра іншых людзей з прозвішчам Варановіч.

Біяграфія

Нарадзіўся ў сялянскай сям’і. У 1953 годзе скончыў Мінскі медыцынскі інстытут і з тых часоў працаваў у Беларускім НДІ траўматалогіі і артапедыі. З 1972 па 1993 год — дырэктар БелНДІТА і адначасова галоўны траўматолаг-артапед Міністэрства аховы здароўя БССР, з 1993 года — галоўны навуковы супрацоўнік БелНДІТА.

І. Р. Варановіч абіраўся дэпутатам Вярхоўнага Савета БССР (1985—1990), старшынёй камісіі па ахове здароўя, сацыяльным забеспячэнні, фізкультуры і спорце, членам ЦК Чырвонага Крыжа РБ.

Узнагароды

• Ордэн «Знак Пашаны»;
• Ордэн Айчыны III ступені;
• нагрудныя знакі «Вынаходнік СССР», «Выдатнік аховы здароўя СССР», «Выдатнік аховы здароўя Рэспублікі Беларусь»;
• медаль імя М. М. Прыёрава;
• срэбны медаль імя П. Л. Капіцы;
• За манаграфію «Пухліны пазваночніка» стаў лаўрэатам прэміі Нацыянальнай акадэміі навук Беларусі (2000).

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).