Ірына Зянонаўна Вештард

Ірына Зянонаўна Вештард (нар. 17 сакавіка 1953, Багушы, Смаргонскі раён, Гродзенская вобласць) — беларускі палітык. Былая старшыня Беларуская сацыял-дэмакратычнай партыі (Грамада).

Ірына Зянонаўна Вештард
Дата нараджэння	17 сакавіка 1953(1953-03-17) (72 гады)
Месца нараджэння	Багушы, Сінькоўскі сельсавет, Смаргонскі раён, Маладзечанская вобласць, Беларуская ССР, СССР
Грамадзянства	Беларусь
Адукацыя	БДУ
Партыя	БСДП
Род дзейнасці	палітык
Узнагароды	грамата Міністэрства адукацыі Рэспублікі Беларусь
Медыяфайлы на Вікісховішчы

Біяграфія

Скончыла Беларускі дзяржаўны ўніверсітэт. Хімік, аператар ЭВМ. Працавала настаўніцай Каменскай сярэдняй школы Лагойскага раёна і СШ № 3 горада Смаргоні, пазней была інспектарам школ г. Смаргоні.

Партыйная дзейнасць

З’езд БСДП 13 сакавіка 2016 года. З лева на права: Мечыслаў Грыб; Ірына Вештард; Алег Трусаў; Ігар Маслоўскі.

У БСДП уступіла ў 1991 годзе. Выбіралася скарбнікам Гродзенскай абласной партыйнай арганізацыі. Неаднаразова выбіралася сябрам Цэнтральнага Камітэта партыі. З 2009 года старшыня Гродзенскай абласной партыйнай арганізацыі і сябар Прэзідыума БСДП. З 10 кастрычніка 2010 года намесніца старшыні, з 5 чэрвеня 2011 года па 11 сакавіка 2018 года — старшыня БСДП.

У 1992—2007 гадах была дэпутатам Смаргонскага раённага Савета дэпутатаў.

Узнагароды

Узнагароджана Граматай Міністэрства адукацыі Рэспублікі Беларусь за дасягнутыя поспехі ў адукацыі і выхаванні падрастаючага пакалення^[1].

Зноскі

1. Ірына Вештард(недаступная спасылка)