Ірына Віктараўна Даўгала

У Вікіпедыі ёсць артыкулы пра іншых людзей з прозвішчам Даўгала.

Ірына Віктараўна Даўгала (8 сакавіка 1967, Крычаў, Магілёўская вобласць) — дзяячка камсамола ў БССР, работніца органаў раённага і гарадскога кіравання Гомеля. Дэпутатка Палаты прадстаўнікоў Нацыянальнага сходу Рэспублікі Беларусь 7-га і 8-га склікання^[1].

Ірына Віктараўна Даўгала
Дэпутат Палаты прадстаўнікоў Нацыянальнага сходу Рэспублікі Беларусь VII склікання
Прэзідэнт	Аляксандр Лукашэнка
Нараджэнне	8 сакавіка 1967(1967-03-08) (58 гадоў) Крычаў, Крычаўскі раён, Магілёўская вобласць, Беларуская ССР, СССР
Член у	Белая Русь
Адукацыя	Гомельскі дзяржаўны ўніверсітэт імя Францыска Скарыны Акадэмія кіравання пры Прэзідэнце Рэспублікі Беларусь
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь Ганаровая грамата Міністэрства культуры Беларусі[d] Ганаровая грамата Гомельскага аблвыканкама[d] Ганаровая грамата Гомельскага гарвыканкама[d] выдатнік друку Беларусі[d] Нагрудны знак «За ўклад у развіццё культуры Беларусі»

Біяграфія

Нарадзілася 8 сакавіка 1967 года ў г. Крычаве Магілёўскай вобласці^[2].

Скончыла Гомельскі дзяржаўны ўніверсітэт імя Францыска Скарыны па спецыяльнасцях «Руская мова і літаратура», «Правазнаўства»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне»^[2].

З 1984 года працавала ў Цэнтральным райкаме камсамола г. Гомеля, была піянерважатай сярэдняй школы № 21 г. Гомеля, сакратаром камітэта камсамола Гомельскага музычнага вучылішча мастацтваў імя Н. Ф. Сакалоўскага.

Працавала ў камісіях па справах непаўналетніх Цэнтральнага раёна г. Гомеля і г. Гомеля, аддзеле па справах моладзі Гомельскага гарвыканкама, намеснікам кіраўніка адміністрацыі Навабеліцкага раёна г. Гомеля. З 2010 года працавала ў Гомельскім аблвыканкаме. У 2013 годзе ўзначаліла галоўнае ўпраўленне ідэалагічнай работы, культуры і па справах моладзі Гомельскага аблвыканкама.

Дэпутат Палаты прадстаўнікоў Нацыянальнага сходу Рэспублікі Беларусь 7 склікання, член Пастаяннай камісіі па заканадаўстве^[3].

Член партыі «Белая Русь». З’яўляецца старшынёй пярвічнай арганізацыі ГА «Белая Русь» Палаты прадстаўнікоў^[2].

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Гомельскай-Савецкай акругі № 34. Намесніца старшыні Пастаяннай камісіі па правах чалавека, нацыянальных адносінах і сродках масавай інфармацыі^[2].

Узнагароды

Узнагароджана ганаровымі граматамі Нацыянальнага сходу Рэспублікі Беларусь, Савета Міністраў Рэспублікі Беларусь, Міністэрства культуры Рэспублікі Беларусь, Гомельскага аблвыканкама, Гомельскага гарвыканкама, нагруднымі знакамі «Выдатнік друку Беларусі», «За ўклад у развіццё культуры Беларусі». Мае падзякі Гомельскага аблвыканкама, Міністра інфармацыі Рэспублікі Беларусь і шэраг іншых узнагарод^[2].

Сям’я

Замужам, мае сына.

Зноскі

1. Сведения о результатах голосования по выборам депутатов Палаты представителей Национального собрания Республики Беларусь седьмого созыва 17 ноября 2019 года по Гомельской области Архівавана 24 лістапада 2019.
2. Біяграфія на сайце Палаты прадстаўнікоў Нацыянальнага сходу Рэспублікі Беларусь
3. Даўгала Ірына Віктараўна