Ісак Фінкель

Ісак Фінкель (1907 — ?) — беларускі педагог, краязнаўца, пісаў на ідышы.

Ісак Фінкель
Дата нараджэння	1907
Месца нараджэння	Ракаў, Мінскі павет, Мінская губерня, Расійская імперыя
Дата смерці	не пазней за 1943
Месца смерці	Ракаў, Выганіцкі сельсавет, Радашковіцкі раён, Вілейская вобласць, Беларуская ССР, СССР

Біяграфія

Нарадзіўся ў Ракаве ў шматдзетнай сям’і мясніка і рабіна Гірша-Шлоймы, брат Уры Фінкеля.

Вучыўся ў настаўнікаў, у ешывах Ракава, Баранавічаў, Вільні, экстэрнам скончыў гімназію. У1927-1931 вучыўся ў польска-іўрыцкай настаўніцкай семінарыі Ш. Чарна ў Вільні. Жыў у родным горадзе, працаваў настаўнікам у польскай гімназіі. Узначаліў бібліятэку, тэатральны гурток, арганізаваў сацыяльную дапамогу. Выдаў невялікі зборнічак вершаў «Настроі» (з Н. Капланам). Атрымаў узнагароду Цэнтральнага адукацыйнага камітэта за навуковую працу аб Ракаве. Друкаваўся ў газетах Варшавы (Хайнт, Момэнт, Бафраюнг, Арбэтэр цайтунг, Гацфіра, Галім, Едзіес фун арбэтндзікн эрэц-ізроіл) і Вільні (Тог, Цайт, Радыё, Га-ацід). Псеўданімы: І. Ф., Ф. Бэн-Ціен-Шлоймэ, Бэн Авігайл, Раковэр.

Загінуў ад рук нацыстаў.

Літаратура

• Штымунген (שטימונגען) — Вільня: Ф. Гарбер, 1930 — 13 ст.
• Лейзер Ран. 25 ёр юнг-вільнэ, Нью-Ёрк 1955.
• Лейзер Ран. Фінкель Ісак // Слоўнік новай яўрэйскай літаратуры.
• Памяць: Гіст.-дакум. хроніка Валожынск. р-на / Укл. Я. Я. Янушкевіч. — Мінск: Мастацкая літаратура, 1996.