Іван Пятровіч Раткоў

Іван Пятровіч Раткоў (23 верасня 1915, в. Свярдлова^[ru], цяпер Канакоўскі раён, Цвярская вобласць — 5 кастрычніка 1985) — беларускі архітэктар.

Іван Пятровіч Раткоў
Дата нараджэння	23 верасня 1915(1915-09-23)
Месца нараджэння	Свярдлова[d], Клінскі павет[d], Маскоўская губерня, Расійская імперыя
Дата смерці	5 кастрычніка 1985(1985-10-05) (70 гадоў)
Грамадзянства	Беларуская ССР
Альма-матар	Маскоўскі архітэктурны інстытут (1941)
Месца працы	Сібтранспраект[d] Белдарпраект[d] Полацкі абласны аддзел будаўніцтва і архітэктуры[d] Белдзяржпраект Мінскграмадзянпраект
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Раткоў.

Біяграфія

Скончыў Маскоўскі архітэктурны інстытут у 1941 годзе. Працаваў у Сібтранспраекце, кіраўніком групы архітэктараў у Белдарпраекце, начальнікам Полацкага абласнога аддзела будаўніцтва і архітэктуры, галоўным архітэктарам праектаў, кіраўніком майстэрні ў Белдзяржпраекце, з 1969 па 1975 г. — галоўным архітэктарам праектаў у Мінскграмадзянпраекце.

Член Саюза архітэктараў СССР з 1949 года.

Творчасць

Аўтар праектаў аднаўлення і рэканструкцыі дэпо, складаў, вакзалаў, воданапорных веж на Беларускай чыгунцы (1944—1948), дамоў адпачынку, прафтэхвучылішчаў (1956-69), 9-павярховага шматсекцыйнага і аднасекцыйных жылых дамоў з убудавана-прыбудаванымі гандлёвымі памяшканнямі (1975) у Салігорску, інтэр’ераў Палаца культуры ў Светлагорску і іншых гарадах рэспублікі.

Зноскі