Агара (фільм)

«Агара́» (ісп.: Ágora) — гістарычны фільм рэжысёра Алехандра Аменабара 2009 года. Гэта пятая кінакарціна рэжысёра і ўжо другі яго фільм, зняты цалкам на англійскай.

Агара
Ágora
Жанры	меладрама драма прыгоды гісторыя Пеплум
Рэжысёр	Алехандра Аменабар
Прадзюсары	Альвара Аўгусцін Фернанда Бавайра
Сцэнарысты	Алехандра Аменабар Матэа Хіль
У галоўных ролях	Рэйчэл Вайс Макс Мінгела Оскар Айзек Ашраф Бархам
Аператар	Шаві Хіменес
Кампазітар	Дарыа Марыянелі
Мастак-пастаноўшчык	Guy Hendrix Dyas[d]
Кінакампаніі	Mod Producciones, Himenóptero, Telecinco Cinema, Canal+ España, Cinebiss
Працягласць	141 хвіл.
Бюджэт	70 млн $[1]
Зборы	39 млн $[1]
Краіна	Іспанія
Мова	англійская
Год	2009
IMDb	ID 1186830
Афіцыйны сайт (ісп.)

Сюжэт

Дзеянне фільма разгортваецца ў горадзе Александрыя Егіпецкая напачатку V стагоддзя нашай эры. Фільм распавядае пра Гіпацію Александрыйскую — першую ў гісторыі жанчыну-вучонага, якая была філосафам, матэматыкам і астраномам. Яна была вельмі разумная і вядомая, да яе слоў прыслухоўваліся кіраўнікі. Яе вучнямі былі шматлікія бачныя дзеячы, у прыватнасці прэфект горада Арэст.

У той час у горадзе пачаліся рэлігійныя сутыкненні, у выніку якіх хрысціянамі была разрабавана і знішчана адна з найбагацейшых бібліятэк свету. Былы раб Гіпаціі Давус, таемна закаханы ў яе, таксама стаў хрысціянінам і далучыўся да пагромшчыкаў. З часам царква набывала ўсё большую ўладу, і неўзабаве біскуп Кірыл Александрыйскі запатрабаваў, каб Арэст і іншыя адракліся ад Гіпаціі, а ёй самой забаранілі выкладаць і займацца навукамі. Яна не магла змірыцца з гэтым і прыняць хрысціянства, таму была абвешчана ведзьмай, прастытуткай. Зневажальнаму забойству ворагамі Гіпація аддала перавагу быць задушанай Давусам.

У ролях

• Рэйчэл Вайс — Гіпація, англ.: Hypatia
• Макс Мінгела — Давус, англ.: Davus
• Оскар Айзек — Арэст, англ.: Orestes
• Ашраф Бархам — Амоній, англ.: Ammonius
• Майкл Лансдэйл — Тэон, англ.: Theon
• Руперт Эванс (англ.) — Сінезій, англ.: Synesius
• Рычард Дэрдэн — Алімпій, англ.: Olympius
• Самі Самір — біскуп Кірыл, англ.: Cyril

Узнагароды

• 2009 — 7 прэмій «Гоя»: найлепшы арыгінальны сцэнарый (Алехандра Аменабар, Матэа Хіль), кіраўніцтва вытворчасцю (Хасэ Луіс Эскалар), аператарская праца (Хаві Хіменес), праца мастака (Гай Дыяс), касцюмы (Габрыэла Пескучы), грым і прычоскі (Ян Сьюэл, Сюзанна Стокс-Мантан), спецыяльныя эфекты (Крыс Рэйнальдс, Фелікс Бержэ)
• 2009 — 6 намінацый на прэмію «Гоя»: найлепшы фільм, рэжысёр (Алехандра Аменабар), арыгінальная музыка (Дарыа Марыянелі), жаночая роля (Рэйчэл Вайс), мантаж (Нача Руіс Капільяс), гук (Пітэр Глосап, Глен Фрымантл)

Дадатковыя факты

• Слоган: «Александрыя, Егіпет 391 год Н. Э. Свет змяніўся назаўжды»

Зноскі

1. Agora (нявызн.). Box Office Mojo. Праверана 2 лютага 2011.