Адміністрацыйны падзел Пакістана

Адміністрацыйна́-тэрытарыя́льны падзе́л Пакіста́на — сукупнасць падзелу краіны на адміністрацыйна-тэрытарыяльныя адзінкі, сярод якіх чатыры правінцыі, федэральная сталічная тэрыторыя, дзве аўтаномныя тэрыторыі і федэральна кіруемыя племянныя тэрыторыі.

Чатыры правінцыі і чатыры тэрыторыі Пакістана.

Ніжэйшымі ўзроўнямі (далей у пералічэнні гэтага абзаца — паводле змяншэння) адміністрацыйна-тэрытарыяльнага падзелу з’яўляюцца:

• Рэгіёны (агульная колькасць якіх складае дваццаць сем)
  • Рэгіёны зіла́, альбо дыстрыкты ці раёны (агульная колькасць якіх складае больш за сто)
    • Тэгсілы^[1] (агульная колькасць якіх налічвае больш за чатырыста)
      • Хаўрусныя саветы^[2]

Структура

У склад Пакістана ўваходзяць чатыры правінцыі, сталічная тэрыторыя Ісламабада, федэральна кіруемыя племянныя тэрыторыі ды тэрыторыі Кашміра. Агульная колькасць адміністрацыйна-тэрытарыяльных адзінак першага ўзроўню складае восем.

Назва	Адміністрацыйны цэнтр	Карта
Азад Кашмір	Музафарабад
Белуджыстан	Квета
Гілгіт-Балтыстан	Гілгіт
Пенджаб	Лахор
Федэральная сталічная тэрыторыя	Ісламабад
Сінд	Карачы
Федэральна кіруемыя племянныя тэрыторыі	Пешавар
Хайбер-Пахтунхва	Пешавар

Гл. таксама

• Рэгіёны Пакістана
• Зіла
• Тэгсіл
• Хаўрусны савет

Зноскі

1. У правінцыі Сінд збольшага дамінуе тэрмін талука.
2. Па сваёй сутнасці з’яўляюцца блізкімі да сельскага ці пасялковага савета