Аздзяціцкі сельсавет

Аздзя́ціцкі сельсавет — былая адміністрацыйна-тэрытарыяльная адзінка ў складзе Барысаўскага раёна Мінскай вобласці. Цэнтр — аграгарадок (да 2009 года вёска) Аздзяцічы.

Аздзяціцкі сельсавет
Краіна	Беларусь
Уваходзіць у	Барысаўскі раён
Уключае	10 населеных пунктаў
Адміністрацыйны цэнтр	Аздзяцічы
Дата ўтварэння	20 жніўня 1924
Дата скасавання	28 мая 2013
Насельніцтва (2009)	1 010
Часавы пояс	UTC+03:00
Код аўтам. нумароў	5

Гісторыя

Утвораны 20 жніўня 1924 года ў складзе Барысаўскага раёна Барысаўскай акругі БССР. З 9 чэрвеня 1927 года ў складзе Менскай акругі. Пасля скасавання акруговай сістэмы 26 ліпеня 1930 года ў Барысаўскім раёне БССР. З 20 лютага 1938 года ў складзе Мінскай вобласці^[1]. 9 красавіка 1963 года ў склад сельсавета з Дзмітравіцкага сельсавета Чэрвеньскага раёна перададзены 4 населеныя пункты (вёскі Арэшкавічы, Манча, Наваселле і Прудок)^[2]. 17 жніўня 1963 года ў склад Мётчанскага сельсавета перададзены 3 населеныя пункты (вёскі Леванова, Паднеўка і Шобікі)^[3]. 10 чэрвеня 1965 года ў склад Дзмітравіцкага сельсавета Бярэзінскага раёна вернуты 4 населеныя пункты (вёскі Арэшкавічы, Манча, Наваселле і Прудок)^[4]. 28 мая 2013 года сельсавет скасаваны, яго тэрыторыя далучана да Мётчанскага сельсавета^[5].

Насельніцтва

Насельніцтва сельсавета паводле перапісу 2009 года складала 1010 чалавек^[6], з іх 97,2 % — беларусы, 2,2 % — рускія^[7].

Населеныя пункты

• 1 студзеня 1947 года — 12
• 28 мая 2013 года — 10 (аграгарадок Аздзяцічы, вёскі Забер’е, Каменка, Клыпенка, Колкі, Лаўніца, Маталыга, Мулішча, Студзёнка і Чэрнеўка)