Айзік-Меер Дзік

У Вікіпедыі ёсць артыкулы пра іншых людзей з прозвішчам Дзік (значэнні).

Айзік-Меер Дзік (1814? — 24 студзеня 1893) — яўрэйскі пісьменнік.

Айзік-Меер Дзік
אײזיק"מאיר דיק
Асабістыя звесткі
Дата нараджэння	1807 ці 1808, ці 1814
Месца нараджэння	Вільня, Віленскі павет, Літоўска-Віленская губерня, Расійская імперыя
Дата смерці	24 студзеня 1893(1893-01-24)[1]
Месца смерці	Вільня, Віленскі павет, Віленская губерня, Расійская імперыя
Грамадзянства	Расійская імперыя
Месца працы	Romm publishing house[d][2]
Прафесійная дзейнасць
Род дзейнасці	пісьменнік, Hebrew teacher
Мова твораў	ідыш
Медыяфайлы на Вікісховішчы

Нарадзіўся ў Вільні, нейкі час жыў у Нясвіжы, Жупранах. Спачатку пісаў на іўрыце, даволі мала. Рашыў пісаць народна-яўрэйскай мовай, на ідышы. Пісаў павучальныя апавяданні і аповесці, якія выдаваліся асобнымі кніжкамі, усяго каля трохсот. У кніжцы павучанні займаюць большую частку, а мастацкая гісторыя служыць ім ілюстрацыяй.

Дзейнасць Дзіка мае вялікае гістарычнае значэнне. Ён даў імпэт літаратурнаму руху, падрыхтаваў з’яўленне масавага чытача і наступных пісьменнікаў. Дзік задавольваў вядомы попыт, і паказаў, што гэты попыт ёсць. І вось, пабачыўшы гэта, гандляры-кніганошы закупляюць больш яўрэйскіх кніг, а выдаўцы плоцяць аўтарам ганарары, пакуль яшчэ невялікія.

Дзік ганіў яўрэйскую мову і наводзіў чытача на такую думку. Ён быў «асветнікам»-маскілам і падзяляў варожае стаўленне маскілаў да ідыша. У тэксты ён уводзіць многа нямецкіх слоў з тлумачэннем, каб чытачы навучыліся гаварыць па-нямецку. Варожасць маскілаў абумовіла заняпад літаратуры, з гэтага заняпаду яе вывеў Дзік. Ён не быў адзіным аўтарам першай паловы XIX стагоддзя, але стаў самым вядомым.